web counter
LEXO PA REKLAMA!

SHKARKO APP

App Store
Google Play

Kremtoi Meshën e Shenjtë në spital/ Drejt përmirësimit gjendja e Imzot Frendos

15 Nëntor 2020, 16:07, Sociale CNA

Një lajm i mirë na vjen nga Italia, ku bëhet me dije se gjendja shëndetësore e Imzot George Frendos është përmirësuar. Mësohet se kleriku është drejt rikuperimit gradual dhe çdo gjë paraqitet e qëndrueshme.

Imzot George Frendos ka kremtuar Meshën e Shenjtë në kapelën e repartit Covid.

Kujtojmë se Imzot George Frendo u nis për kurim të specializuar në Itali pas përkeqësimit të gjendjes shëndetësore të tij pas infektimit me Covid-19.

“Tiranë, 15/11/2020
Komunikim mbi gjendjen shëndetësore të SH. T. Imzot George Frendo

Nga kontaktet me përgjegjësit e repartit Codvid-19 të spitalit ?Acquaviva delle Fonti?, në Miulli (Bari), na lajmërojnë gjendja shëndetësore e SH. T., Imzot George Frendo, Arqipeshkëv Metropolit Tiranë-Durrës, është shumë e mirë; ai po shkon drejt rikuperimit gradual si dhe çdo gjë paraqitet e qëndrueshme.

Nga një video-telefonatë e bërë, Imzot Frendo ka treguar se po kalon momente të qeta nën kujdesin e fretërve kapuçin dhe kapelanëve të këtij spitali. Sot ka pasur mundësinë të kremtojë Meshën Shenjte në kapelën e repartit Covid ku ndodhet në këtë spital, së bashku me besimtarë e tjerë që po kurohen nga ky virus.

Imzot Frendo shprehet i padurueshëm për t?u kthyer në përditshmërinë e tij në Arqidioqezë (Tiranë) dhe jetën baritore.

Ne vijojmë lutjet që shëndeti i tij të kthehet në normalitet si dhe bashkohemi me lutjen e Kishës që nuk ndalet për të gjithë të prekurit nga Covid-19, e sidomos lutemi edhe për të gjithë stafet mjekësore që po kujdesen me orare të pafundme“, shkruhet në njoftimin e KISH./CNA.al





Lajmet e fundit nga