web counter
LEXO PA REKLAMA!

SHKARKO APP

App Store
Google Play

E fundit!

x

Tërmeti dhe rindërtimi/ Rama: Shqipëria do ia dalë, do bëhet shembëlltyrë e profesionalizmit

12 Nëntor 2020, 17:42, Politikë CNA

Kryeministri Edi Rama ka reaguar pas akuzave dhe deklaratave të opozitës lidhur me menaxhimin e pandemisë dhe rindërtimin e banesave të dëmtuara nga tërmeti.

Rama thotë se qeveria do të luftojë me të gjitha forcat Covid-19 dhe pretendon se Shqipëria do të bëhet shembëlltyrë e vendosmërisë, kurajos dhe profesionalizmit.

Kreu i qeverisë deklaron se edhe banesat e shembura nga tërmeti tragjik i 26 nëntorit, ndërsa sipas tij, Shqipëria do të dalë më e fortë nga këto dy sfida të rënda.

?Ne do ta bëjmë me të gjitha forcat luftën me Armikun e Padukshëm dhe fronti ynë i mbrojtjes në spitalet Covid do të jetë deri në fund, një shembëlltyrë e vendosmërisë, kurajos, profesionalizmit, pa asgjë mangut krahasuar me kushtet spitalore, kurat farmaceutike, shërbimin mjekësor në spitalet Covid të Europës!

Ne do t’i rindërtojmë një për një shtëpitë, apartamentet, shkollat, kopshtet, spitalet e qendrat shëndetësore të shembura nga tërmeti, në kohë rekord krahasuar me ecurinë e një procesi të tillë në vendet që janë përballur me këtë sfidë!

Dhe Shqipëria do të dalë më e fortë nga këto dy sfida të rënda, të cilat mund t’i përballojë e t’i fitojë vetëm kjo shumicë qeverisëse, sepse ne nuk jemi më të mirët dhe kemi patjetër të metat, gabimet, boshllëqet tona, po më të mirë se ne për Shqipërinë nuk ka!?, shkruan Rama në rrjetet sociale./ CNA.al





Lajmet e fundit nga