web counter
LEXO PA REKLAMA!

SHKARKO APP

App Store
Google Play

E fundit!

x

Berisha injoron Ramën/ Deklaratë të fortë për statistikat: Situata më dramatike se në çdo vend

12 Nëntor 2020, 20:26, Politikë CNA

Ish-kryeministri Sali Berisha, ka injoruar kryeministrin Edi Rama për deklaratat dhe akuzat e ngritura ndaj tij dhe opozitës.

Berisha deklaroi se situata shëndetësore në vendin tonë është më dramatike se në çdo vend tjetër.

?Respekti për ata qindra e mijëra të sëmurë, që dergjen sonte nga kjo sëmundje, respekti për ata mijëra të vdekur, familjet e tyre, më detyron ta injoroj sonte totalisht personin në fjalë, i cili për gjuhën e përdorur meriton çdo epitet.

Por unë do të ndalem në zhvillimet dramatike të pandemisë në Shqipëri, ju garantoj më dramatike se në çdo vend tjetër të planetit, për një arsye të vetme, sepse që në filli e deri sot, gjithçka u bazua te mashtrimi, falsifikimi dhe vjedhja. Në Shqipëri, gjendja sipas treguesve zyrtarë, është më katastrofike se në çdo vend tjetër?, u shpreh ai në Syri Tv, ndërsa komentoi edhe statistikat e INSTAT.

Sipas tij, Shqipëria është në mesin e tre-katër vendeve me numrin më të lartë të viktimave.

?Kjo statistikë fakton se nga data 31 korrik, deri më 31 shtator, në tremujorin e tretë të këtij viti, vdekjet në Shqipëri janë rritur me rreth 30 përqind. Shqipëria pati në këtë tremujor 1300 vdekje më shumë se tremujorin e para një viti. Kjo do të thotë atë që e kam paralajmëruar shumë herë në fillimet e pandemisë, se këta po mashtrojnë në mënyrë monstruoze shifrat e vdekjeve nga Covid. Kur këta deklaronin 18, unë deklaroja 74.

 Me këtë numër vdekjesh, Shqipëria është në mesin e tre-katër vendeve me numrin më të lartë të vdekjeve?, tha Berisha./ CNA.al





Lajmet e fundit nga