web counter
LEXO PA REKLAMA!

SHKARKO APP

App Store
Google Play

E fundit!

x

Bashkëshortja rezulton pozitive me Covid/ KLGJ shtyn seancën për Markelian Kuqo

12 Nëntor 2020, 12:00, Aktualitet CNA

Këshilli i Lartë Gjyqësor ka shtyrë sërish seancën për gjyqtarin Markelian Kuqo.

Këtë hërë shkak është bërë koronavirusi, pasi bashkëshortja e gjyqtarit ka rezultuar pozitive.

Kjo ka detyruar gjyqtarin Kuqo që të karantinohet në banesën e tij.

Për këtë arsye, Këshilli i Lartë Gjyqësor ka shtyrë seancën ndaj gjyqtarit për datën 26 nëntor, në orën 12:00. Kujtojmë se seanca për gjyqtarin Kuqo u shty edhe javën e kaluar, pasi ai ishte në pritje të tamponit të bashkëshortjes së tij, e cila tashmë ka rezultuar e infektuar me koronavirus.

ILD ka kërkuar shkarkimin e Kuqos nga detyra pasi ka liruar në mënyrë të dyshimtë nga burgu Gert Gjinararin, i njohur ndryshe edhe me nofkën ?Gjenerali?.

Kujtojmë se Gert Gjinarari, ishte dënuar me burg të përjetshëm për vrasjen e bujshme të Naim Zyberit në Itali. Në Itali, Gert Gjinarari është dënuar dy herë për një sagë krimesh që nga trafiqet, veprimtari në kuadër të grupit kriminal. Në vendimin e gjyqtarit shkruhet se Gjinarari është plotësisht i rehabilituar dhe i gatshëm për t?u riintegruar në shoqëri.

Vendimi i gjyqtarit Kuqo u rrëzua nga Gjykata e Apelit si i paligjshëm, por Gert Gjinarari tashmë ishte zhdukur. Inspektorati i Lartë i Drejtësisë, i ngritur në janar të këtij viti, nisi një hetim gjashtëmujor, hetim i cili përfundoi në fund të muajt korrik 2020. Në përfundim të hetimeve, ILD i kërkoi  Këshillit të Lartë Gjyqësor të shkarkojë nga detyra gjyqtarin e Korçës, Markelian Kuqo, me pretendimin se gjyqtari kishte konsumuar një sërë shkeljesh me vendimin e lirimit nga burgu të Gert Gjinararit. CNA.al/ 

 





Lajmet e fundit nga