web counter
LEXO PA REKLAMA!

SHKARKO APP

App Store
Google Play

Shtimi i rasteve me Covid/ Panariti: Duhet të sigurohej vaksinimi për gripin stinor

12 Nëntor 2020, 08:43, Aktualitet CNA

Ish- ministri i Bujqësisë, Edmond Panariti u shpreh se shtimi i rasteve me Covid kohët e fundit, ka ardhur si pasojë e mosmbajtjes së premtimit të qeverisë për vaksinimin e popullsisë me vaksinën e gripit sezonal.

Ish ministri theksoi se vaksina e gripit sezonal e bën organizmin të mos luftojë në dy fronte duke e rritur imunitetin ndaj Covidit. Nëse do të kishim një vaksinim të kategorive vulnerabël falas për gripin sezonal, shifrat e infektimeve nuk do të ishin në këto nivele sipas Panaritit.

?Impenjimi i opozitës dhe i specialistëve të saj ishte për të bërë të mundur që të parandalohej ky infeksion, që po përhapej në mënyrë galopante dhe për të bërë më të mirën që dhe ata pacientë që do të prekeshin të merrnin trajnimin e merituar. U tha këtu se në shtator do të filloj vaksinimi për gripin sezonal. Këtu më duhet të theksoj se edhe OBSH-ja tha se këtë vit është më e rëndësishme se kurrë më parë vaksinimi për gripin stinor.

Sepse bën që organizmi mos të luftojë me dy fronte edhe me gripin sezonal dhe me Covidin. Gjithashtu dolën dhe studimet e fundit që provojnë që vaksina e gripit jep një imunitet të kryqëzuar edhe ndaj Covidit. Studimet më të fundit theksojnë se personeli mjekësor i vaksinuar me vaksinën e gripit i bie probabiliteti i infektimit me Covid në 40%.

Kryeministri premtoi se në shtator do të bëhej vaksinimi falas i kategorive vulnerabël. Një gjë që e kishte në dorë nuk e bëri, për të mos fol më tej për mungesën e tamponëve dhe testeve të shpejta?, u shpreh Panariti për ?Fax News?. CNA.al/ 

 





Lajmet e fundit nga