web counter
LEXO PA REKLAMA!

SHKARKO APP

App Store
Google Play

E fundit!

x

KLP cakton prokuror të përkohshëm në Gjirokastër/ Gjon Fusha konfirmohet pozitiv me Covid

11 Nëntor 2020, 11:00, Aktualitet CNA

Kryetari i Këshillit të Lartë  të Prokurorisë, Gent Ibrahimi ka thirrur një mbledhje urgjente për miratimin i projektvendimit për caktimin e përkohshëm të Drejtuesit të Prokurorisë pranë Gjykatës së Apelit Gjirokastër.

Drejtuesi aktual Prokurorisë pranë Gjykatës së Apelit Gjirokastër Gjon Fusha është infektuar pozitiv me koronavirus dhe e ka të pamundur të paraqitet në punë.

Anëtarët e KLP caktuan përkohesisht të marr drejtimin e prokurorisë së Gjirokastrës prokurorin Henrik Haxhiraj.

?Në respektim të masave të marra për parandalimin e përhapjes së virusit Covid-19, sot paradite, Kryetari i Këshillit të Lartë  të Prokurorisë, z. Gent Ibrahimi ka thirrur një mbledhje urgjente për miratimin i projektvendimit për caktimin e përkohshëm të Drejtuesit të Prokurorisë pranë Gjykatës së Apelit Gjirokastër.

Për shkak të gjendjes shëndetësorë (infektim me virusin COVID 19) z. Gjon Fusha i caktuar përkohësisht në pozicionin e Drejtuesit të Prokurorisë pranë Gjykatës së Apelit Gjirokastër për periudhën nga data 16.10.2020 ? 15.01.2021,  e ka të pamundur të paraqitet në punë dhe të ndjekë proceset gjyqësore, gjë e cila sjell vështirësi në funksionimin e prokurorisë pasi ai aktualisht është prokurori i vetëm në atë prokurori.

Në këtë situatë, me qëllim funksionimi pa ndërprerje të punës së prokurorisë pranë Gjykatës së Apelit Gjirokastër, Këshilli vendosi caktimin e përkohshëm të prokurorit Henrik Haxhiraj, prokuror në Prokurorinë pranë Gjykatës së Shkallës së Parë Vlorë, të ushtrojë funksionin e Drejtuesit të Prokurorisë pranë Gjykatës së Apelit Gjirokastër për një afat një mujor nga data 11.11.2020 ? 10.12.2020 pasi plotëson kushtet e përcaktuara në ligj?, thuhet në njoftimin e KLP. CNA.al/ 

 





Lajmet e fundit nga