web counter
LEXO PA REKLAMA!

SHKARKO APP

App Store
Google Play

E fundit!

x

Covid-19 në shkollat e Durrësit/ Rezultojnë pozitiv 11 nxënës dhe 23 mësues

11 Nëntor 2020, 09:54, Aktualitet CNA

Covid-19 është përhapur ndjeshëm në shkollat e Durrësit. Gjatë ditës së sotme janë testuar 21 nxënës dhe 11 prej tyre kanë rezultuar pozitiv me koronavirus.

Po ashtu, ka edhe mësues të cilët gjithashtu rezultojnë të prekur, ku deri më tani janë testuar 58 mësues dhe 23 prej tyre rezultojnë pozitiv.

Të dhënat për mësues e nxënës të infektuar janë në përditësim nga ISHP-ja, gjë që u mundëson që sapo konstatohet një tampon pozitiv në radhët e stafit pedagogjik, sanitar apo nxënësve, merren menjëherë masat që personi në fjalë të mos paraqitet në shkollë derisa të përfundojë periudhën e karantinës.

Nga Zyra Vendore e Arsimit në Durrës mësohet se janë marrë të gjitha masat për të mos krijuar problematika në rast të mungesës së mësuesve. Zëvendësimi i tyre bëhet në mënyrë të menjëhershme.

Në institucionet arsimore janë angazhuar 150 praktikantë, të cilët gjithashtu përfshihen në procesin mësimor duke bërë të mundur realizimin pa mangësi të orëve mësimore. Rastet e mësuesve apo nxënësve të prekur në shkolla të ndryshme kanë qenë sporadike dhe në asnjë rast deri më tani nuk është proceduar me mbylljen e një shkolle dhe kalimin e procesit mësimor online në bashkinë e Durrësit. CNA.al/ 

 





Lajmet e fundit nga