web counter
LEXO PA REKLAMA!

SHKARKO APP

App Store
Google Play

E fundit!

x

“Diçka nuk shkon”/ Erion Dasho thirrje qeverisë: Qytetarët kanë nevojë për transparencë

11 Nëntor 2020, 09:01, Aktualitet CNA

Eksperti i Shëndetit Publik Erion Dasho ka reaguar pasi kryeministri Edi Rama ka publikuar një video nga COVID 3 përmes të cilës hodhi poshtë akuzat se në spitale nuk ka shtretër.

Përmes një postimi në rrjetin social, Dasho shkruan se qytetarët kanë nevojë për transparencë dhe jo për filma me krevate bosh.

Dasho pyeti Ministrinë e Shëndetësisë nëse ka në spitalet Covid mjaftueshëm shtretër për kujdesin intensiv.

?367 të shtruar me COVID, 15 në reanimacion, 3 të intubuar, 8 vdekje (5 në moshën 65 vjeç e poshtë)!

Diçka nuk shkon! Nuk mund të kesh 15 pacientë të shtruar në reanimacion dhe të raportosh 8 vdekje si dje apo 12 vdekje si pardje.

Përvoja e botës tregon se rreth 20% e pacientëve të prekur nga COVID që shtrohen në spital, kanë nevojë për kujdes intensiv. Në Shqipëri, ky numër pacientësh duhej të ishte rreth 75 dhe jo 15! Qytetarët nuk kanë nevojë për filma me krevate bosh apo të mbushur me patetizma! Ata presin transparencë! A garanton ministria një numër të mjaftueshëm shtretërish të kujdesit intensiv?!?, shkruan Dasho. CNA.al/ 

 





Lajmet e fundit nga