E fundit!

15:31 Qyteti im

“Atdheu mbi të gjitha”/ Koncerti që bashkoi artistët dhe publikun në Pogradec

Përpara qindra qytetarëve dhe turistëve, në sheshin “Odeon...

“Pse virusi del natën?”/ Manastirliu: Të rinjtë kanë pasur një trend të lartë të infektimit

10 Nëntor 2020, 14:02, Sociale CNA

Ministrja e Shëndetësisë, Ogerta Manastirliu ka bërë me dije se spitalet rajonale janë gati sipas skenarëve të menduar nga grupet e ekspertëve. Gjatë një konferencë për shtyp ministrja tha në spitalet Covid janë të shtruar 360 qytetarë dhe se mbi 15 mijë persona kanë marrë shërbim nga mjekët e familjes.

?Rruga e duhur për të mbrojtur shëndetin e njerëzve është bashkëpunimi. Puna jonë nuk ka ndalur për asnjë moment në këto 8 muaj të gjatë. Kemi forcuar kapacitetet në të gjithë sistemin tonë shëndetësor. Kemi vijuar rritjet e kapaciteteve për testimet e gjurmimit. Kemi gati dhe spitalet rajonale sipas skenarëve që ne tashmë i kemi bërë të ditur. Mjekët e familjes janë të gjithë të angazhuar me udhëzues e protokolle të përcaktuara. Ata kanë ndjekur mbi 15 mijë qytetarë. Në spitale po trajtohen 360 pacientë të cilët janë në kujdesin e mjekëve dhe infermierëve në tre spitalet Covid. Kjo nuk është nje betejë që fitohet vetëm në spitale, fitohet çdo ditë me ndërgjgjjen e qytetarëve?, tha ministrja.

Më tej ministrja theksoi se periudha vjeshtë dimër do të jetë një periudhë sfiduese për të gjithë sistemet shëndetësore.

?Komiteti i ekspertëve ka vendosur të përshkallëzojë masat. Masat janë të një niveli me intensitet mesatar. Qytetarët presin që të dijnë se çfarë do të bëhët më vonë. Kjo është një situatë e cila na ka ballafaquar me shumë pikëpyetje dhe ka ende shumë të panjohura. Periudha vjeshtë-dimër do të jetë një periudhë sfiduese për të gjithë sistemet shëndetësore. Mbetët parësore zbatimi i rregullave dhe masave të vendosura nga shëndetet shëndetësore. Sot dalin dhe dy urdhrat për marrjen e këtyre masave?, tha Manastirliu.

Ministrja Manastirliu tha që ka një trend në rritje të infektimit të rinjve dhe se kjo grupmoshë është cilësuar si shkaktare e përhapjes së virusit.

?Qytetarët mund të pyesin: Pse virusi del natën?
Kemi disa grupe ekspertesh dhe shume ekipet e bashkërenduar. Mjekët e infermierët janë hallka e fundit pritëse. Ka ekipe që punojnë në terren 24 orë në 24. Grupmoshat e të rinjve janë ata që kanë pasur një trend të lartë të infektimit dhe janë cilesuar si shkaktarë të përhapjes së virusit?, tha Manastirliu.