E fundit!

15:31 Qyteti im

“Atdheu mbi të gjitha”/ Koncerti që bashkoi artistët dhe publikun në Pogradec

Përpara qindra qytetarëve dhe turistëve, në sheshin “Odeon...

Përhapja e koronavirusit/ Psikologia: Të mbyllen shkollat, është e keqja më e vogël

9 Nëntor 2020, 09:26, Sociale CNA

Psikologia Denata Toçe ka folur mëngjesin e sotëm rreth situatës së pandemisë në shkolla, duke theksuar se që prej fillimit të pandemisë ajo ka qenë e mendimit që viti shkollor nuk është i përshtatshëm.

Sipas psikologes, mbyllja e sistemit arsimor është e keqja më e vogël që mund të ndodhë.

?Ajo që po ndodh është që numri është shumë herë më i madh sesa numri i cili publikohet. Nuk jam këtu për të përhapur panik, jam për të qenë me këmbë në tokë. Do të duhet të shikojmë cilat janë prioritetet dhe cila është e keqja më e vogël?, u shpreh psikologia Denada Toçe në një intervistë për ?Euronews Albania?.

Sipas saj mbyllja e shkollave duhet bërë në mënyrë të menjëhershme dhe dinamika e jetës duhet të ulet sepse duke marrë parasysh situatën në të cilën po jetojmë, të vijuarit e aktiviteteve të përditshme në mënyrën siç po ndodh është ?vrastare?.

Teksa përmendi vazhdimisht ?balancën për të keqen më të vogël? Denata Toçe tha me bindje se pavarësisht ndikimit që mund të ketë te fëmijët mbyllja e shkollës, po të njëjtin ndikim shumë negativ do e ketë dhe përballja e tyre me miqtë e sëmurë me COVID-19.

Pyetur për vështirësitë që do të sillte mbyllja e shkollave pasi fëmijëve do u duhej një prind në shtëpi për kujdesin e tyre psikologia tregoi se vështirësinë e kishte provuar dhe vetë gjatë karantinimit të parë.

?Është një dilemë shumë e madhe të cilën e kam marrë parasysh para se të jap një mendim të tillë. Nuk është se unë personalisht i kam kushtet më të mira për ta bërë këtë gjë, përkundrazi, është një sakrificë tejet e madhe, unë e provova vetë në karantinimin e parë dhe karantinimi nuk është zgjidhje për reduktimin e virusit, është një frymëmarrje për t?i dhënë kohë sepse ajo që po shikoj është që sistemi shëndetësor po kolapsin?, u shpreh Toçe.

Psikologia solli në vëmendje se kjo është një luftë në të cilën po mungon organizimi dhe papërgjegjshmëria e shtetit po i lë njerëzit të vetëm përballë një infeksioni nga i cili duhet të mbijetojnë.Sidoqoftë ajo nuk la pa përmendur dhe vëmendjen qytetare dhe përgjegjësinë individuale përkundrejt ndalimit të përhapjes së virusit. CNA.al/