web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria humbi artistin me zemër të madhe”/ Muharrem Hoxha i dëshpëruar tregon telefonatën e fundit me Koço Devolen

8 Nëntor 2020, 10:30, Kulturë CNA

Aktori i njohur i humorit Muharrem Hoxha ka shprehur ngushëllimet e tij për humbjen e aktorit të madh Koço Devole.

Në një lidhje telefonike për Report Tv ai ka treguar se është një humbje shumë e madhe si për artin ashtu edhe për Shqipërinë.

Gjithashtu ai ka treguar edhe për telefonatën e fundit me aktorin.

“Është lajm i dhimbshëm. Koço Devole është aktor i përmasave jashtëzakonisht të mëdha. I kishte të gjitha. Aktor regjisor prezantues, ka bërë gjithë ato koncerte, na ka afruar afër… E humbi familja po e humbi edhe Shqiperia. Ky brez nuk vjen më. Njeri i ëmbël shumë paqësor. Mbi të gjithë artist me zemër të madhe.

Jemi mbushur plot, ishalla se zgjasim shumë sepse spo e mbaj dot. E kam dashur jashtë mase ashtu sikurse të tjerët. E dija se ishte pa qejf e merrja në telefon dhe i thoja do e kalosh. E më thoshte ishalla.

Ngushëlloj të shoqen, vajzën, djemtë dhe të gjithë njerëzit e tij. Ka humbur një aktor i paparë. Me Covid ishte keq u bë më mirë pastaj u kthye përsëri. Kam pyetur doktorët e më thanë se Covidin e kaloi por sëmundja tjetër e ka rënduar.

Unë jam rrit në duar të atyne, Fadil Hasës, Koço Devole. Edhe tani që ishte te Fiksi i bënte gjërat me finesë. Aktor i madh. Faleminderit shumë se jam i mbushur“, tha ai.





Lajmet e fundit nga