web counter
LEXO PA REKLAMA!

SHKARKO APP

App Store
Google Play

SPAK dhe KLSH arrijnë marrëveshje bashkëpunimi/ Ja si keqinformohet publiku

6 Nëntor 2020, 10:28, Denoncim CNA

Prokuroria e Posaçme dhe Kontrolli i Lartë i Shtetit kanë arritur pak kohë më parë një marrëveshje bashkëpunimi për intensifikimin e luftës kundër korrupsionit.

Arritja e kësaj marëveshje bashkëpunimi është bërë e ditur përmes një njoftimi në faqen zyrtare të dy institucioneve. Por ajo që bie në sy nga njoftimi që është bërë në faqen e KLSH është keqinformimi i publikut.

Erion Habilaj, i cili është këshilltari për median pranë KLSH, edhe njoftimet i bën si në endërrat e veta. Në njoftimin zyrtar të shpërndarë për media, Habilaj shkrruan se kreu i KLSH Arben Shehu ka qenë i shoqëruar nga drejtori juridik Flavjo Xhuveli. Ky i fundit, ndonëse e dëshiron këtë post, ende nuk është emëruar si drejtor juridik. Por për zyrën e shtypit nuk ka shumë rëndësi dhe në njoftimin zyrtar e etiketon si drejtor.

?Nisur nga shqetësimi i opinionit publik shqiptar për nivelin e korrupsionit në administratën publike, në vendin tonë, si dhe prioritetet e institucioneve shqiptare dhe kërkesat e vazhdueshme të organizmave të ndryshme ndërkombëtare dhe partnerëve strategjikë të Shqipërisë për forcimin e luftës kundër fenomenit të korrupsionit, Kontrolli i Lartë i Shtetit dhe Prokuroria e Posaçme (SPAK) nënshkruam sot (19 tetor 2020) një marrëveshje bashkëpunimi.

Kryetari i KLSH, z. Arben Shehu i shoqëruar nga Drejtoresha e Kabinetit, znj. Borjana Shaka dhe Drejtori Juridik, Z. Flavjo Xhuveli u pritën në takim nga Drejtuesi i Prokurorisë së Posaçme, z. Arben Kraja dhe prokurori z. Klodian Braho.

Institucionet ranë dakord për realizimin e bashkëpunimit të ndërsjelltë për shkëmbim të informacioneve me qëllim evidentimin e saktë të shkeljeve që përmbajnë elementë të veprave penale të cilat janë në kompetencën lëndore të Prokurorisë së Posaçme?, thuhet në njoftimin e KLSH.

Flavjo Xhuveli është thjesht një jurist, por duke qenë se është një njeri i afërt me kreun e KLSH ai synon postin e drejtorit dhe këshilltari për median në njoftimet zyrtare keqinformon puublikun me lajme të pavërteta. CNA.al/

 

 

 





Lajmet e fundit nga