E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

“Premtimet e pambajtura janë binom i pandalshëm i qeverisë”/ Tabaku akuza Ramës për rindërtimin

5 Nëntor 2020, 09:06, Aktualitet CNA

Ish-deputetja e Partisë Demokratike, Jorida Tabaku ka publikuar sot një tjetër video në lidhje me projektin e ndërtimit në shkollën Sami Frashëri si dhe në lagjen ?5 Maji? në Tiranë, ndërsa akuzon se në këto dy kantierë nuk vijon puna.

Përmes një postimi në rrjetin social Tabaku shkruan se premtimet e pambajtura dhe kjo qeveri janë binom i pandashëm, duke shtuar se sado të mundohen nuk e fshehin dot dështimin.

Tabaku i ka drejtuar edhe 4 pyetje kryebashkiakur Erion Veliaj, nga ku pret një përgjigje.

Postimi i plotë i Tabakut:

Pamjet më poshtë janë marë sot në mëngjes në dy nga kantieret imagjinare të Rilindjes. Ku ndërtohen shtëpi imagjinare, rrugë dhe porte në 3D apo aeroporte qe duhet te kishin perfunduar vite më parë. Por sapo kamerat largohen nga kantieret imagjinare, gjithçka i rikthehet heshtjes dhe shesheve të premtimeve të pambajtura.

Fakt mbetet që një vit pas termetit janë ndërtuar gjithsej 48 shtëpi nga 3389 te kontraktuara për rindërtim. Sikundër lagjet e reja apo aeroportet anë e mbanë Shqipërisë ekzistojnë vetëm në një folder special në USB-në e Arben Ahmetaj.

Premtimet e pambajtura dhe kjo qeveri janë binom i pandashëm. Sado të mundohen, videomontazhet nuk e fshehin dot dështimin dhe korrupsionin që ka shoqëruar në çdo hap procesin e rindërtimit. Sot sërish dua të ndalem tek procedura e shembjes së gjimnazit ?Sami Frashëri? për ti drejtuar kryetarit të bashkisë këto pyetje që kanë mbetur ende pa përgjigje:

A u rehabilitua Sami Frasheri pak muaj para se të shembej ndonëse EV tha që do rrojë me vite?

Me cfarë fondesh po ndërtohet Sami Frashëri? Veliaj dhe Ahmetaj thanë me fonde të BE, ndërkohë që BE thotë që nuk po ndërton asnjë shkollë në Tiranë me fondet e saj.

A është shpallur në buletinin e datës 27 Mars projektimi i ndërtimit të shkollës Sami Frashëri dhe anulluar me datë 21 Prill? Që do të thotë se kur u prish me datë 24 Prill nuk kishte një projekt…

Në ç?sirtar ka përfunduar procedura e përfunduar e tenderit për shkollën Sami Frashëri? Pse nuk është bërë publike?

ER dhe EV duhet ta kenë dhe përgjigjen pse shkollat e tyre janë me kosto 4,5mln euro dhe të BE 700 000 euro. CNA.al/