web counter
LEXO PA REKLAMA!

SHKARKO APP

App Store
Google Play

Befason skuadra e Superligës, afron 3 lojtarë në limite

3 Nëntor 2020, 10:22, Sport CNA

Zbulohen dy goditjet e Bylisit në merkaton që zyrtarisht u mbyll më 2 tetor. Edhe pse prej javësh klubi ballshiot ka mbajtur gjithçka të fshehtë, tashmë është fakt se për llogari të Bylisit janë federuar dy lojtarë nga Brazili.

?Panorama Sport? mëson se është plotësuar qendra e mbrojtjes me 29-vjeçarin Alan Henrike dhe gjithashtu reparti i mesfushës me 28-vjeçarin Aleksandre Kardozo. I pari ka eksperiencë të madhe, pasi ka luajtur edhe në Europë, pikërisht në Portugali me skuadrat e Beira Mar dhe CD Nacional. Gjithashtu, ka qenë pjesë edhe e skuadrës së njohur në Finlandë, Inter Turku. Eksperienca dhe pjekuria e tij sigurisht që i vlen mbrojtjes mallakastriote. Në sezonin e fundit Henrike ka qenë pjesë e Varzim në kampionatin portugez.

MESFUSHORI ? Aleksandre Kardozo u prezantua fillimisht te Turbina e Cërrikut, por tashmë përfundoi në Ballsh dhe gjasat janë që palët të kenë bërë një marrëveshje huazimi. Kardozo është cilësuar si talent në Brazil dhe fillimet e karrierës i ka pasur në klubet e njohura Vasko de Gama dhe Palmeiras. Më pas është transferuar në Portugali me Setubal apo dhe CD Trofense, por gjithashtu edhe në Oman me Al-Nahda e Arabinë Saudite me Damac. Rezulton se karriera e tij ka vijuar në Europë në kampionatin portugez. Si Kardozo dhe Henrike janë vënë nën urdhrat e trajnerit Dovedan, e madje pritet që të jenë pjesë e skuadrës ballshiote që në sfidën e parë të Superiores, atë me Laçin që luhet nesër në Ballsh.

RIKTHIMI ? Veç brazilianëve, pjesë e skuadrës është bërë edhe Eljan Mehmetaj, mbrojtësi ballshiot që ka luajtur me Bylisin. Ai ka kaluar operacionin në menisk dhe do të jetë i gatshëm, ndërsa mund të luajë edhe me ekipin U-21. Anësori i majtë, bashkë me Amar Kapllanajn, Franc Ymeraliajn dhe Valentino Muratajn, janë vendësit e vetëm te skuadra mallakastriote. Tashmë nga ajo që duket edhe në grup ka konkurrencë si në skuadrën e parë ashtu edhe në atë U-21, që nis kampionatin më 10 nëntor.





Lajmet e fundit nga