web counter
LEXO PA REKLAMA!

SHKARKO APP

App Store
Google Play

E fundit!

x

I dënuar nga Disiplina, por Limaj nuk do të mungojë në ndeshjen kundër Tiranës. Ja arsyeja

2 Nëntor 2020, 17:18, Sport CNA

Ndryshimi i planeve për fillimin e sezonit, me zhvillimin e Kupës së Shqipërisë para ndeshjeve të Superiores, i ka shkuar më për shtat skuadrës së Kukësit, që në këtë mënyrë ka gjetur përsëri një element shumë të rëndësishëm për lojën e skuadrës së tij. Kapiteni Vesel Limaj do të kthehet për ndeshjen kundër bardhebluve, edhe pse në teori ishte i dënuar nga Komisioni i Disiplinës pas javës së fundit të edicionit të kaluar.

Limaj u dënua pas një përplasje me Alinanin e Luftëtarit në javën e fundit të sezonit të kaluar, duke marrë si rrjedhojë dy ndeshje pezullim nga aktivitetet futbollistike. Në teori, ai do të mungonte për ndeshjen ndaj Tiranës e më pas klubi do të shlyente me gjobë pjesën e mbetur të dënimit për ta patur të gatshëm në sfidën kundër Partizanit.

Por ndryshimi i planeve ka bërë që Kukësi të luajë sfidën e parë në Kupën e Shqipërisë dhe aty ka shlyer dënimin me një javë. Ndërsa për javën e mbetur, Kukësi ka paguar gjobën dhe do të ketë në fushën e lojës mesfushorin i cili këtë vit është graduar kapiten në radhët e verilindorëve.





Lajmet e fundit nga