E fundit!

08:07 Aktualitet

Rama: Ja kur e pranoj dorëheqjen

Kryeministri Edi Rama e ka nisur mëngjesin e kësaj të prem...

Ka shënuar vetëm një herë në La Liga, Messi po vuan te Barcelona

2 Nëntor 2020, 12:37, Sport CNA

Barcelonës së Kumanit i mungojnë golat e Lionel Mesit. Kapiteni argjentinas ka shënuar vetëm 3 herë në këtë sezon (4 në total duke llogaritur edhe golin me kombëtaren) dhe të tre me penallti. Dy prej tyre në Champions dhe vetëm 1 gol në kampionatin spanjoll. Nuk është ecuria e tij më e mirë në aspektin goleador, madje kjo është shifra më e ulët që ka arritur ndonjëherë në 13 vitet e fundit. Edhe në sezonin 2007- 2008 kishte gjetur rrugën e rrjetës 3 herë.

Në fundin e atij viti arriti të shënonte 16 gola, më pak se gjysma e golave që shënoi një vit më pas (38 në sezonin 2008- 2009). Mesi ka qenë titullar në të gjitha ndeshjet në La Liga dhe ka luajtur nga fillimi në fund, por kjo nuk e ka ndihmuar për të shënuar më shumë sesa 1 gol. Rrugën e rrjetës e ka gjetur kundër Vijarealit nga pika e bardhë e penalltisë në fillimin e kampionatit.

Që nga ajo sfidë nuk shënoi dot më në të tjerat, Selta, Sevija, Getafe, Real dhe Alavesh. Leo nuk ka më saktësinë e dikurshme. Në ndeshjen kundër Alaveshit ai tentoi në disa raste, por nuk ia doli të shënonte. Deri tani ka arritur të bëjë 46 tentativa në portën kundërshtare, por ende nuk ka gjetur rrugën e rrjetës. Kjo është një nga sezonet më të dobëta të tij, por sigurisht që mund ta zgjidhë në të ardhmen. Në sfidën e së shtunës, Leo rrezikoi të ndëshkohej edhe me karton të kuq pasi tentoi të godiste me top arbitrin e ndeshjes. Por ai i tregoi vetëm të verdhin. Sipas moviolës, meritonte të kuq sepse tentoi të intimidonte arbitrin.

Për situatën problematike në sulm ka folur edhe trajneri Ronald Kuman, i cili thotë se ekipi duhet të bëjë më mirë përpara portës kundërshtare dhe të jetë më i saktë. ?Jam i shqetësuar për rendimentin në sulm. Nuk është mungesë përqendrimi, por thjesht duhet të jemi më të kujdesshëm. Shpërdoruam shumë raste kundër Juventusit, por edhe këtë herë. Për më tepër ia dhuruam golin Alaveshit. Jam i kënaqur për faktin që skuadra krijon shumë raste, por nuk mund të shpërdoroj kaq shumë. Krijojmë volum loje, por vetëm 1 gol. Kjo është diçka jonormale?, tha trajneri Kuman.