web counter
LEXO PA REKLAMA!

SHKARKO APP

App Store
Google Play

Ja pse i dënoi Disiplina Bathën dhe Torrasën

2 Nëntor 2020, 12:35, Sport CNA

Për ata që nuk e dinë, grushtet e sfidës Turbina-Dinamo bënë që miqësoret të monitoroheshin nga FSHF-ja

Kjo e fundit ka nxjerrë një urdhër dhe ka publikuar një link që klubet ta plotësonin dhe çdo miqësore të monitorohej nga federata si për shkaqe sjelljesh sportive, por më së shumti edhe për dëmtimet e mundshme apo probleme të tjera organizative. Skuadrat e kishin të pamundur që të organizonin me kokën e tyre miqësore.

Komisioni i Disiplinës nuk i ka dënuar kot lojtarët e Tiranës. Për ndëshkimin katër javë të lojtarëve, komisioni është bazuar te neni 68 i Kodit të Disiplinës Sportive.

?Të gjitha ndeshjet zyrtare ose miqësore që organizohen nga FSHF, janë nën juridiksionin e organeve gjykuese të FSHF-së. Dënimet të cilat vendosen nga këto organe kanë efekt në të gjithë botën?, shkruan neni.

Qartësisht, Disiplina ka dorë të lirë të ndëshkojë shkelësit edhe nëse ata bëjnë zullume edhe në miqësore. Lojtarët e dënuar nga Disiplina, Torasa, Batha e Laval, janë të parët që u ndëshkuan për sjelljen e tyre në një ndeshje miqësore.





Lajmet e fundit nga