web counter
LEXO PA REKLAMA!

SHKARKO APP

App Store
Google Play

Tronditet kombëtarja, Roshi pëson dëmtimin e rëndë

2 Nëntor 2020, 08:04, Sport CNA

Sa më tepër kalojnë ditët dhe afron grum bullimi, aq më shumë shtohet lista e mungesave për trajnerin Edi Reja. Krahas miqësores me Kosovën më 11 nëntor, kuqezinjtë do të luajnë me 15 dhe 18 të këtij muaji ndaj Kazakistanit dhe Bjellorusisë, por kuqezinjtë nuk do të kenë shërbimet e Odise Roshit. ?Panorama Sport? ka mësuar se mesfushori fierak po vuan një dëmtim në kaviljen e majtë dhe rrezikon një fat të njëjtë si Eros Grezda.

Odise Roshi do të jetë një tjetër mungesë e rëndësishme e Kombëtares për dy ndeshjet zyrtare në muajin nëntor. Pas dëmtimit të pësuar ndaj Lituanisë, në ndeshjen kur u rikthye në Rusi, mesfushori kuqezi ka pësuar një goditje në kaviljen e majtë. Roshi mungoi në ndeshjen e kësaj fundjave për Akhmat Groznin dhe për fat të keq konsiderohet mungesë e sigurt edhe për Kombëtaren në grumbullimin e nëntorit.

Jashtë për këtë ndeshje janë edhe Dermaku e Bare për dëmtim dhe me gjasë mesfushorët Gjasula e Ramadani për shkak të rregullave shtrënguese prej ?COVID-19?. Deri më tani, skenari më i keq për fierakun është ai i operacionit në kavilje, njësoj si Eros Grezda. Në rastin më të mirë, mesfushori do t?ia hedhë vetëm me terapi të specializuar.





Lajmet e fundit nga