web counter
LEXO PA REKLAMA!

SHKARKO APP

App Store
Google Play

E fundit!

x

Pak ditë më parë humbi babain nga COVID-i, infektohet edhe Toti

2 Nëntor 2020, 16:45, Sport CNA

Koronavirusi kthehet në makthin e Françesko Totit. Ish-futbollisti i njohur italian, pak ditë më parë i dha lamtumirën e fundit babait të tij si pasojë e infeksionit të rrezikshëm që ka paralizuar gjithë botën. Sot, mediat italiane mësuan se edhe vetë ai është në izolim me temperaturë, pasi ka rezultuar pozitiv gjithashtu.

Në mediat italiane është bërë e ditur se si Toti, ashtu edhe bashkëshortja e tij, prezantuesja Ilari Blazi, janë në izolim pasi kanë rezultuar pozitiv pasi ish-futbollisti kishte shfaqur disa nga simptomat tipike të infektimit. Zërat qarkullonin prej ditësh në Romë por vetëm sot është mësuar se Toti ishte mbyllur në shtëpi dhe zhdukur nga syri i publikut për shkak të këtij infeksioni, që e kishte goditur mjaft rëndë.

Situata e tij ishte përmirësuar ditët e fundit, pasi nuk ndjente më lodhje, por vazhdonte të kishte temperaturë. Ndërsa bashkëshortja e tij është asimptomatike dhe nuk ka pasur probleme shëndetësore nga infektimi.

Ky është një muaj i vështirë për Totin, sepse më 12 tetor u nda nga jeta babai i tij, pasi u infektua me COVID-19. Ai vuante edhe nga sëmundje të tjera bashkëshoqëruese dhe infektimi i vështirësoi gjendjen shëndetësore derisa u nda nga jeta.





Lajmet e fundit nga