web counter
LEXO PA REKLAMA!

SHKARKO APP

App Store
Google Play

Kisha e Shën Prokopit pajiset me certifikatë pronësie/ I hapet rrugë rikthimit në identitet

2 Nëntor 2020, 15:15, Sociale CNA

Kisha e Shën Prokopit në Tiranë, është paisur me certifikatë pronësie pas vendimit unanim të Këshillit Bashkiak të Tiranës.

Ishte kryebashkiaku Erion Veliaj, ai që i dorëzoi dokumentin që i jep pronësinë e tokës mbi të cilën është ngritur, Kishës së Shën Prokopit, në Parkun e Liqenit Artificial të Tiranës.

Kjo i hap rrugën edhe rindërtimit të objektit fetar, që daton plot 240 vite më parë.

?Besoj se është një bekim i madh për të gjithë, e jo vetëm për ju që shërbeni në Kishën e Shën Prokopit, apo komunitetin ortodoks. Perëndia na ka dhënë vullnetin të shërbejmë me dinjitet dhe ta bëjmë atë si duhet,? u shpreh mes të tjerash Veliaj, gjatë dorëzimit të kontratës së dhurimit Kryepeshkopit të Tiranës, Durrësit dhe të gjithë Shqipërisë, Anastasit.

Në vitin 1967, edhe Kisha e Shën Prokopit pësoi fatin e të gjitha objekteve të tjera të kultit. Ajo u gjymtua dhe në vend të saj u ngrit kafe-restorant ?Liqeni?. Por edhe pas rikthimit të funksionit të mëparshëm, 30 vite më vonë, kjo kishë ende sot nuk ka arritur dot të marrë pamjen dhe as lavdinë e dikurshme. Bashkia e Tiranës, përmes projektit të saj, do të rikthejë në identitetin e saj të hershëm Kishën e Shën Prokopit, pjesë e rehabilitimit të një tjetër xhevahiri në Tiranë./CNA.al

 





Lajmet e fundit nga