web counter
LEXO PA REKLAMA!

SHKARKO APP

App Store
Google Play

E fundit!

x

Tërmeti në Turqi/ Shënohen 51 viktima dhe mbi 896 të plagosur

1 Nëntor 2020, 09:30, Kosova & Bota CNA

Pas tërmetit të fuqishëm 6.6 ballë të shkallës Rihter që goditi Turqinë dy ditë më parë, situata sa vjen edhe rëndohet. Izmiri ishte qyteti që u godit më shumë, ndërkohë që bilanci i viktimave ka shkuar në 51, ndërsa të plagosur numërohen më shumë se 896 qytetarë.

Rreth 300 prej tyre janë po marrin trajtim në spitale, ndërkohë që shumica kanë pësuar vetëm goditje të lehta.

Në një konferencë për median ministri i Mjedisit dhe Planifikimit Urban Murat Kurum ditën e djeshme tha se deri tani janë shpëtuar 100 qytetarë nga momenti i tërmetit  dhe ende vazhdojnë kërkimet në 9 prej ndërtesave.

Në anën tjetër bëhet thirrje që në ndërtesat e dëmtuara të mos hyhet pa pasur një vlerësim të tyre.

Pas tërmetit,  kanë ndodhur më shumë se 35 tronditje të magnitudës më të lartë se 4 ballë  dhe gjithsej 484 tronditje.

Ekipet e kërkimit janë të përqendruara tanimë në 8 ndërtesa dhe 6000 persona, nga emergjencat civile apo dhe efektivë të policisë, dhe mbi 20 qenë të stërvitur për kërkime. CNA.al/





Lajmet e fundit nga