web counter
LEXO PA REKLAMA!

SHKARKO APP

App Store
Google Play

E fundit!

x

“Meqenëse më përmendi emrin”/ Bozdo i përgjigjet Ramës për naftëtarët

29 Tetor 2020, 19:16, Politikë CNA

Anëtari i Kryesisë së PD-së, Eno Bozdo i është përgjigjur kryeministrit Edi Rama lidhur me Rafinerinë e Naftës në Ballsh.

Në një reagim të tij në  rrjetet sociale, Bozdo e akuzon Ramës se fitoi bashkë me ministrat e tij nga investitori serioz që erdhi, dhe iku me miliona euro pa paguar pagat e naftëtarëve dhe detyrimet ndaj qeverisë.

?Meqënëse Edi Rama më përmendi sot emrin: Punëtorët e Rafinerisë janë në grevë sepse investitori serioz i Edi Ramës ia mbathi me dhjetëra milionë euro fitim, pa paguar punëtorët dhe as detyrimet ndaj qeverisë së Edi Ramës. Ia mbathi në mes të ditës, pa i hyrë gjëmb në këmbë. Këtë skemë e bëri jo vetëm një herë, por 3 herë.

Fitoi qindra milionë euro, pa dhënë rroga dhe detyrime. Investitori serioz i Edi Ramës, regjistroi 3 herë kompani offshore, sigurisht “pa dijeninë” e Edi Ramës. Dhe po tre herë përsëriti të njëjtën skemë: erdhi, pa dhe fitoi. Bashkë me të fitoi Edi Rama dhe ministrat e tij.

Humbën ata që nën këtë qeveri, humbin gjithmonë: njerëzit e varfër dhe punëtorët e pamundur. Punëtorët aty duan zgjidhje. Duan paratë që u takojnë për punën e tyre të ndershme. Nuk kanë nevojë për batuta, po për bukë për familjet e tyre. Zgjidhja është ajo që Lulzim Basha ka ofruar: 8 milionë euro paga të padhëna dhe ndjekje penale për investitorin serioz të Edi Ramës!?/CNA.al





Lajmet e fundit nga