web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi “rrëzoi” Metën/ Kikia: Shqipëria zero shanse për hapjen zyrtare të negociatave në dhjetor

29 Tetor 2020, 15:56, Politikë CNA

Kuvendi i Shqipërisë votoi me 97 vota pro rrëzimin e dekretit të kreut të shtetit, i cili ktheu për rishqyrtim ndryshimet kushtetuese mbi Kodin e ri Zgjedhor. Analisti dhe gazetari Mentor Kikia komentoi këto zhvillime në studion e Euronews Albania.

Ai theksoi se në këtë histori nuk kishte asnjë lajm të ri, por votimin e sotëm në Kuvend e cilësoi thjesht si procedurë të pritshme. Sipas tij, palët nuk kishin vullnet të gjenin konsensusin e munguar mbi ndryshimet në Kodin Zgjedhor.

?Unë në fakt nuk prisja asnjë lloj ndryshimi sot. Numri i votave është matematikë dhe nuk ka rëndësi, nëse do kishte vullnet për të kërkuar një konsensus edhe me opozitën jashtë parlamentit, çështja nuk do kishte shkuar deri këtu. Nuk ka lajm në këtë histori. Ajo që përbën një lloj zhvillimi është fakti se ishte Brukseli, kryesisht Komisonier për Zgjerimin, që pas votimit fillestar të Kodit shprehu pakënaqësitë dhe kërkoi të gjendeshin hapësirat ligjore që të arrihej një konsensus?, tha ai.

Duke parë zhvillimet e fundit, Kikia thotë se shpresat që Shqipëria të marrë një hapje zyrtare të negociatave në muajin dhjetor janë pothuajse zero.

?Tani thjesht pritet zbatimi i Kodit Zgjedhor në prill. Unë nuk besoj se kryeministri nuk është koshient në veprimet që bën. Ajo që tashmë duhet që në qeveri të kenë shumë të qartë, është fakti se shanset për një hapje zyrtare të negociatave në dhjetor janë pothuajse zero. Edhe nëse do të ishte miratuar kodi me konsensus, ka një sërë çështjesh të tjera, të cilat nuk janë realizuar?, u shpreh ajo.





Lajmet e fundit nga