web counter
LEXO PA REKLAMA!

SHKARKO APP

App Store
Google Play

E fundit!

x

“Po i bëni dëm shëndetit publik"/ Manastirliu thumbon opozitën, apel të fortë qytetarëve

29 Tetor 2020, 18:50, Politikë CNA

Ministrja e Shëndetësisë, Ogerta Manastirliu, ka bërë një tjetër thirrje për qytetarët, lidhur me përballjen me koronavirusin.

Manastirliu ka publikuar në rrjetet sociale një foto të disa mjekeve dhe deklaron se kjo nuk është koha që të qëndrojmë të përçarë.

Ajo thekson se duke rendur në kërkim të fajtorëve dhe duke mbushur kokën e njerëzve me të pavërteta, i bëjmë një dëm shëndetit publik.

Ministri i kërkon qytetarëve që të dëgjojnë vetëm këshillat e ekspertëve dhe profesionistëve, si dhe të bashkëpunojnë për të mposhtur virusin.

?Kjo nuk është kohë për të qenë të përçarë. Po harxhojmë shumë energji duke kërkuar lart e poshtë armiq imagjinarë, ndërkohë që armiku i vërtetë sot nuk janë njerëzit. Armiku është virusi!

Nëse sfidojmë shkencën, komunitetin e mjekëve dhe të ekspertëve të shëndetit, i bëjmë një shërbim pandemisë duke rritur mosbesimin mes qytetarëve, dhe bashkë me të, edhe përhapjen e infeksionit.

Duke rendur në kërkim të fajtorëve pa faj dhe mbushur kokën e njerëzve me të pavërteta, i bëjmë një dëm shëndetit publik. Kjo është një kohë kur ne politikanët duhet të heshtim dhe ekspertët duhet të flasin.

Unë dëgjoj vetëm këshillat e ekspertëve dhe profesionistëve dhe do t?ju lutesha të gjithëve, që të bëjnë të njëjtën gjë. Sot është koha për solidaritet dhe bashkëpunim, sepse askush nuk është i tepërt në luftën kundër Covid-19. Jam e sigurt që bashkë ia dalim!?, shkruan socialistja në rrjetet sociale./ CNA.al





Lajmet e fundit nga