E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Kuvendi “rrëzoi” Metën/ Bardhi: Injorimi i thirrjes së BE izolon përfundimisht Shqipërinë

29 Tetor 2020, 16:55, Politikë CNA

Sekretari i Përgjithshëm i PD-së, Gazment Bardhi, ka reaguar pasi Kuvendi miratoi ndryshimet në Kodin Zgjedhor pa pritur opinion e Komisionit të Venecias.

Bardhi tha se me rrëzimin e dekretit të presidentit Ilir Meta dhe refuzimin e thirrjes së Bashkimit Europian për të pritur opinionin e Komisionit të Venecias, Shqipëria është më pak demokratike dhe më pak europiane.

Sipas tij, qeveria e Edi Ramës është identifikuar në Bruksel dhe në kryeqytetët kryesore europiane si një qeveri që punon kundër integrimit europian dhe kundër interesit të qytetarëve.

Demokrati pretendon se injorimi i thirrjes së BE për të pritur Opinionin e Komisionit e izolon përfundimisht Shqipërinë dhe e fut në hartën e vendeve që janë në kurs përplasje me Europën.

?Me refuzimin që i bëri thirrjeve të përsëritura të Bashkimit Europian, Edi Rama nuk ndryshon nga Llukashenko. Për pushtetin e tij personal, është gati t?i vërë zjarrin Shqipërisë, të izolojë shqiptarët dhe t?i ndëshkojë ata duke penguar me dashje hapjen e bisedimeve për anëtarësimin e vendit në Bashkimin Europian.

Injorimi i thirrjes së Bashkimit Europian për të pritur Opinionin e Komisionit e izolon përfundimisht Shqipërinë dhe e fut në hartën e vendeve që janë në kurs përplasje me Europën. Kjo është përgjegjësia e vetëm një njeriu, që pushtetin e tij personal e vendos mbi interesin e Shqipërisë dhe shqiptarëve.

Tentativa e Edi Ramës për ta vënë Komisionin e Venecias përpara faktit të kryer, me teorinë që me Opinionin do të shohim se çfarë mund të bëjmë pas zgjedhjeve, është qasja më antidemokratike që mund të mbajë Kryeministëri i një vendi që pretendon të nisë negociatat me BE.

Rregullat e zgjedhjeve nuk janë referendum në PS për të emëruar Edi Ramën Kryetar të Rilindjes! Ligji zgjedhor është garancia e qytetarëve shqiptarë për zgjedhje demokratike dhe të ndershme. Ai duhet domosdoshmërisht të jetë në përputhje me Kushtetutën dhe standardet europiane, që të jetë i pranueshëm nga qytetarët dhe partitë politike pjesëmarrëse në zgjedhje. Kurrë në këto 30 vite Shqipëria nuk ka shmangur ekspertizën e Komisionit të Venecias dhe ODIHR përpara miratimit dhe implementimit të ligjit zgjedhor, as kur ai ka qenë konsensual?, deklaroi ish-deputeti.

Bardhi pretendon se akti i sotëm tregon frikën e kryeministrit Edi Rama nga zgjedhjet dhe vota e lirë e qytetarëve./ CNA.al