web counter
LEXO PA REKLAMA!

SHKARKO APP

App Store
Google Play

E fundit!

x

Vasili: Ja si Rama po bllokon integrimin e vendit në BE

28 Tetor 2020, 09:12, Aktualitet CNA

Komisioni i Venecias pritet që të japë opinionin e saj për ndryshimet në Kodin Zgjedhor në muajin dhjetor, pas kërkesës që i bëri presidenti Ilir Meta. Nënkryetari i LSI Petrit Vasili u shpreh se asnjëherë nuk është vonë për të pritur opinionin e Venecias, që sipas tij i jep përgjigje shteruese rreziqeve që i kanosen vendin nga ndryshimet e njëanshme të Kodit Zgjedhor.

 

Në një intervistë për Euronews Albania, Vasili tha se alibia e kryeministrit, i cili kërkon ta votojë në kuvend dekretin e presidentit për kodin pa pritur opinionin e Venecias, me pretendimin se duhet kohë për implementimin e identifikimit biometrik nuk qëndron, pasi ky i fundit është në proces nga komisioni i zgjedhjeve. Me veprimet e tij, tha nënkryetari i LSI, kryeministri po u lë një faturë shumë të madhe shqiptarëve, që është bllokimi i vendit në Bashkimin Europian.

 

?Shqiptarët kanë një aspiratë, që është integrimi në Bashkimi Europian. Ata që e udhëheqin integrimin thonë shqip; prisni opinionin e Venecias.

Shqiptarët panë edhe zgjedhje me një parti, por kjo faturë do të jetë shumë e rëndë. Integrimi europian është praktikisht i mbyllur. Mesazhi erdhi nga vetë komisioneri i zgjerimit, që tha prisni opinionin e Venecias për t?i hapur rrugën Shqipërisë në BE. Por ky është i interesuar të izolojë shqiptarët?, tha nënkryetari i LSI. CNA.al/





Lajmet e fundit nga