web counter
LEXO PA REKLAMA!

SHKARKO APP

App Store
Google Play

Greva në Ballsh/ Naftëtaret thirrje ambasadores amerikane: Eja na shiko!

27 Tetor 2020, 11:01, Aktualitet CNA

Naftëtaret e Ballshit vijojnë të rezistojnë për të 13-tën ditë në grevë urie.

Njëra prej naftëtareve ka pasur një thirrje të veçantë për ambasadoren amerikane Yuri Kim teksa e ka ftuar t?i vizitojë dhe t?i shohë.
Ajo thotë se ambasadorja Kim duhet të shohë se në çfarë gjendje janë katandisur nënat shqiptare dhe si derdhen lotët në Ballsh për bukën e fëmijëve.

“Gjendja e shoqeve të mia dhe unë jemi shumë rëndë. Me këputje trupi, me dhimbje mezi, por kauza jonë është e drejtë. Kërkojmë pagat e prapambetura të fituara.Thirrje kryeministrit të tregohet human, të zgjidhë çështjen e naftëtarëve, vëllezërve naftëtarë. Thirrje ambasadores Yuri Kim, nëse s?me ka dëgjuar ndonjëherë të më dëgjojë sot. Jemi 10 gra që protestojmë për pagat. Ju lutem eja na shiko çfarë gjendje janë katandisur nënat shqiptare. Lotët tona si rrjedhin për bukë për fëmijët tanë. Jemi në një dhomë të uzinës, fëmijët janë në shtëpi pa bukë. Ju lutem na ndihmoni.
Se kam menduar kurrë të lë grevën. E them, kërkoj pagat e prapambetura të fituara me gjyq. Rifillim të punës, që të marr frymë lirisht të ushqejmë fëmijët. S?kanë me çfarë të shkojnë në shkollë. ?- tha naftëtarja./CNA.al





Lajmet e fundit nga