E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm Besfort Lamallari ka zbarkuar në Drej...

Berisha lëshon alarmin SOS/ Gjendje kolapsi në shëndetësi, spitalet Covid 1 dhe 2 të tejmbushur

25 Tetor 2020, 14:30, Politikë CNA

Ish-kryeministri Sali Berisha, ka lëshuar alarmin sos për gjendjen shëndetësore në vendin tonë. Berisha deklaron se sistemi shëndetësor është në gjendje kolapsi nga Covid-19.

Duke iu referuar mesazhit të një qytetari dixhital, ai thotë se në spitalet Covid 1 dhe 2 nuk ka më shtretër bosh, ndërsa pretendon se stafi shëndetësor për spitalet Covid 3 dhe 4 ka filluar të trajnohet vetëm tre ditë më parë.

?SOS!!

Gjendje kolapsi i sistemit shëndetësor nga Covid-19. Në spitalet Covid 1 dhe 2 nuk ka vende. Ato janë të tejmbushur. Nuk ka mjekë për hapjen e spitaleve Covid 3 dhe 4 ndonëse numri i rasteve të infektuar në ditë është 20 herë më i lartë se sa në kohën e hapjes së Covid 1 dhe 2.

Vetëm tre ditë më parë ka filluar trajnimi i infermierëve për spitalet Covid 3 dhe 4. Ky trajnim duhej bërë muaj më parë. Të sëmurët janë në mëshirë të fatit të dënuar dhe braktisur nga 127 alo alo paracetamol. Javën që kaloi, nga sorollatjet kriminale vdiqën dy të sëmurë, një i ri 26 vjeçar dhe dje një 56 vjeçar.

Edvin Hajduti dhe ndrikull Hajnia vazhdojnë në mënyrë kriminale me manipulimet dhe mashtrimet e përditshme me shifrat e pandemisë, infeksioneve dhe vdekjeve nga Covid-19. Dënoj me ashpërsinë më të madhe qëndrimin kriminal, mashtrues dhe manipulues të Edvin Hajdutit dhe Ndrikull Hajnisë me pasoja direkte infektimin e papërmbajtur dhe vdekjet e shumta të qytetarëve nga Covid-19?, shkruan ai në rrjetet sociale.

Ndërkohë, më tej, ish-kryeministri ka publikuar mesazhet e dy mjekëve dixhitalë, të cilët tregojnë gjendjen shëndetësore në spitalin e Sanatoriumit.

?Përshëndetje doktor, jam mjek në shërbimin ambulator. Një lajm i hidhur miq. Sapo u ezauruan edhe kapacitetet e Shefqet Ndroqit. Sapo isha me një pacent me saturime 84 56 vjec i cili kishte 10 ditë me temperaturë në shtëpi (plus me mjekim me antibiotik). Mjekja e shërbimit mezi e mbajti pasi kapacitetet kishin arritur në maksimum.

Ku është Covid 3 apo 4. Skandali eshte afer por fatkeqesisht kjo ka te beje me jete njerezish. Une kam ndenj 1 ore e gjysem mbreme tek slitali “Shefqet Ndroqi” per të gjet nje shtrat te lire ne urgjence per pacientin tim… Po habitem që paskan pranuar edhe sot.

Pershendetje i nderuar doktor Sali Berisha!

Unë që po ju shkruaj jam punonjëse në spitalin Shefqet Ndroqi (Covid 2)! Dua t’ju informoj se situata këtu është alarmante dhe kapaciteti pacientëve është mbi maksimumin, por më e zeza e kësaj qeverie mashtruese është se spitali (Covid 3) apo (Covid 4) që këta monstra reklamojnë se janë gati nuk ka staf për t?i shërbyer pacientëve, para 3 ditësh kanë filluar të bëjnë trajnime me infermierë, ku në fakt duhej të ishin trajnuar gjatë verës dhe tani të ishin në gadishmëri, por edhe nëse infermierët marrin trajnimin e duhur përsëri problemi më i madh është se nuk ka mjekë të fushës në shërbim dhe do kemi pasoja katastrofike! Prandaj zgjodha që ta lancoj këtë problem te ju sepse kur ne ngrejmë zërin na kërcënojnë me largim nga puna! Ju lutem anonim se jam familjare me 3 fëmijë!?, thuhet në dy mesazhet./ CNA.al