E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Erion Dasho “bën për ujë të ftohtë” Veliajn/ Panairi i qofteve shkakton konfuzion, duhet vepruar

25 Tetor 2020, 11:13, Politikë CNA

Eksperti i Shëndetit Publik, Erion Dasho, ka reaguar ashpër pas panairit që u zhvillua në qendër të Tiranës pak ditë më parë, ndonëse vendi është në situatë pandemie.

Dasho krahason masat e marra nga qeveria gjermane, e cila ka anulluar traditën më se 600 vjeçare, Tregun (Panairin) e Krishtlindjeve dhe masat e qeverisë shqiptare.

Ai deklaron se ndonëse qeveria ndalon muzikën me pretekstin se përhap virusin, bashkia e Tiranës e shoqëroi panairin e ?qofteve? me muzikë dhe me grupe valltarësh që nuk e respektonin aspak distancën.

Eksperti i Shëndetit Publik thekson se ky është një mesazh i gabuar dhe i kërkon qeverisë të marrë masa me efekt të provuar.

?Tregu i krishtlindjeve dhe tregu i qofteve

Me rritjen e numrit të rasteve COVID, qyteti i Frankfurtit vendosi këtë vit të anulojë një traditë më shumë se 600 vjeçare, Tregun (Panairin) e Krishtlindjeve, si dhe të vendosë një sërë masash të tjera që drejtuara nga synimi për të rritur distancimin fizik (takimet në vende publike lejohen me maksimumi pesë persona nga dy familje, ndalimi i alkoolit pas orës 11, si dhe mbajtja e maskave edhe në rrugë në qendrën e qytetit).

Për analogji, në Shqipërinë që para dhjetë ditësh vendosi me detyrim mbajtjen e maskës në publik, në qendër të Tiranës organizohet një event me shitje qoftesh e sallamësh, me muzikë të lartë (megjithëse antarë të respektuar të qeverisë kanë paralajmëruar se muzika transmeton COVID-in) dhe, sikur të mos mjaftonin këto, grupe valltarësh janë raportuar duke kërcyer dorë për dorë e pa maska.

Kjo situatë duhet të marrë fund! Autoritetet shqiptare duhet të mësojnë nga homologët seriozë dhe të propozojnë masa me efekt të provuar, gjithëpërfshirëse dhe në harmoni me njëra tjetrën! T’i vendosësh qytetarit gjobë se del në rrugë pa maskë dhe të organizosh një panair qoftesh në mes të Tiranës shkakton konfuzion dhe jep një mesazh të gabuar! Koha për veprim!?, shkruan ai./ CNA.al