web counter
LEXO PA REKLAMA!

SHKARKO APP

App Store
Google Play

Video/ Humbje befasuese, Atalanta e Gjimshitit zhgënjen sërish në kampionat

24 Tetor 2020, 15:22, Sport CNA

Shtatë gola të pësuar në dy ndeshje dhe humbja e dytë radhazi në kampionat për Atalantën. Pas humbjes në fundjavën e kaluar ndaj Napolit me rezultatin 4-1, ditën e sotme, bergamaskët e Gasperinit morën një leksion nga ana e Sampdorias, teksa dorianët i mposhtën në shtëpi me rezultatin 1-3. Sampdoria shfrytëzoi edhe startin e mirë të sfidës teksa gjeti rrugën e rrjetës me anë të veteranit, Fabio Kualjarela.

Ky i fundit pati mundësinë të dyfishonte shifrat nga pika e bardhë e penalltisë në minutën e 45, por gaboi. Gjithsesi, në fraksionin e dytë miqtë e shënuan golin e dytë, këtë herë me autor Torsbi. Mirëpo, përpjekjet e Atalantës për të ndryshuar fatet e sfidës nuk ishin venitur dhe 10 minuta para fundit të lojës shkurtuan diferencat falë Zapatës, i cili u tregua i saktë nga 11-metrat.

Por, dëshira e pafundme e të zotëve të shtëpisë për të dalë me një pikë, bëri që ekuilibrat në fushë të harroheshin dhe në këtë formë u ndëshkuan me golin e tretë falë një kundërsulmi të finalizuar nga ana e Jankto. Përfundimisht, sfida u mbyll me rezultatin 1-3 dhe tashmë Atalanta e Gjimshitit pas tre fitoreve të para, merr dy zhgënjime radhazi.





Lajmet e fundit nga