web counter
LEXO PA REKLAMA!

SHKARKO APP

App Store
Google Play

E fundit!

x

COVID-19 i bëhet "ferrë" Kristiano Ronaldos, edhe tamponi i radhës pozitiv

24 Tetor 2020, 10:45, Sport CNA

Kristiano Ronaldo prej ditësh është i izoluar në shtëpinë e tij në Torino, pas rezultatit pozitiv në analizën e bërë për Covid-19. Që nga fillimi ai nuk ka patur asnjë problem shëndetësor dhe ka vijuar të stërvitet normalisht në palestrën e tij. Portugezi mezi pret të dalë pozitiv për tu kthyer në fushë dhe çdo ditë po i nënshtrohet testeve për të parë nëse është shëruar plotësisht nga virusi. Ditën e djeshme ishte tamponi i radhës dhe siç bën me dijë ?Corriere di Torino?, ylli i Juventusit ka rezultuar sërish pozitiv dhe i duhet të qëndrojë ende në izolim.

Sot do testohet sërish dhe kjo është mundësia e fundit që Ronaldo të mund të bashkohet me skuadrën për ndeshjen ndaj Veronës mbrëmjen e nesërme. Protokolli i Serie A parashikon se portugezi duhet të dalë negativ të paktën 24 orë para ndeshjes për t?iu bashkuar ekipit në ndeshjen e nesërme të Serie A. Por mendja e Ronaldos, Juventusit dhe gjithë botës është nëse luzitani do të jetë i pranishëm në ndeshjen ndaj Barcelonës të mërkurën.

Nuk dihet ende qartë rregullorja e UEFA-s për Champions League, pasi mediet spanjolle raportojnë se Ronaldo nuk mund të luajë edhe nëse rezulton negativ një ditë para sfidës, ndërsa mediet italiane shprehin të kundërtën, duke u mbështetut në një ?aneks? të rregullores, që e lejon të luajë me test negativ një ditë para ndeshjes nëse lojtari ka virulencë të ulët dhe nuk ka shfaqur simptoma asnjëherë, siç ka ndodhur me Ronaldon.





Lajmet e fundit nga