web counter
LEXO PA REKLAMA!

SHKARKO APP

E fundit!

x

“Raportet me Greqinë me ulje-ngritje”/ Çollaku: Politika e jashtme e Ramës katastrofë

21 Tetor 2020, 19:35, Politikë CNA

Anëtari i kryesisë së PD-së, Kreshnik Çollaku, ka folur mbrëmjen e sotme për çështjen e detit, e cila duket se do të dërgohet për zgjidhje në Gjykatën e Hagës.

Çollaku tha se në 8 vite politika e jashtme është një katastrofë e plotë nga të gjitha anët, ndërsa pretendon se raportet me Greqinë kanë qenë me ulje ngritje.

?Në këto 8 vite qeverisje të Ramës politika e jashtme është një katastrofë e plotë nga të gjitha anët. Ka një degradim total, ka ulur shkallën e nivelit dhe influencës në Ballkan. Shqipëria ka qenë një faktor stabilizues në proceset integruese. Po ashtu ka shkaktuar edhe problematike lidhur më çështjet e shqiptarëve në rajon. Në raport me Greqinë në këto vite, raportet tona kanë qenë me ulje-ngritje?, u shpreh ai në Ora News.

Sipas tij, qeveria shqiptare nuk ka vepruar, por gjithmonë ka pritur Greqinë që ta hedhë ajo hapin e parë.

?Ne kemi një problematikë me Greqinë dhe sjellje jonë me këtë vend ka qenë disi pritëse. Ne prej 30 vitesh sillemi në raport me kërkesat e palës greke. Ndërkohë Greqia ka kërkuar dhe ka pasur pretendime lidhur me vendin tonë, qysh nga kufiri i detit deri te minorancat. Mendoj se këtu ka një anomali në marrëdhëniet tona. Fjala kyçe në këtë pikë është reciprociteti?, theksoi demokrati./ CNA.al





Lajmet e fundit nga