E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Çështja çame me Greqinë/ PD me dy qëndrime politike

21 Tetor 2020, 15:08, Politikë CNA

Demokratët duket se janë të përçarë dhe në qëndrimet e tyre politike sa i përket çështjes çame me Greqinë.

Për ish deputetin Tritan Shehu, nuk ekziston asnjë ligj lufte mes Greqisë dhe Shqipërisë. Madje ai shprehet se ky ligj është nul që kur është firmosur traktati i miqësisë mes Greqisë e Shqipërisë në vitin ?96.

Sipas tij, nese një ligj i tillë ekziston në sirtarët e Athinës, i takon Greqisë ta djegë.

?Mos u merrni me ligjin e luftës, nuk ekziston ligj lufte me Greqinë. Ekziston një traktat miqësie që ka ezauruar të gjithë elementët që bien në kundërshtim me të. Nëse në sirtarët e Athinës ekziston një ligj i tillë i takon Athinës ta djegë, ne nuk kemi asnjë ligj lufte me Greqinë.

Kryeministri shqiptar që do të marrë dekorata i jep vlerë më shumë se ç?duhet. Nuk kemi pse ta konsiderojmë fitore. I takon Greqisë ta djegë. Ai ligj është nul që nga traktati i ?96 i miqësisë mes Greqisë e Shqipërisë. Po të kishim ligj lufte nuk do të vinte ministri Dendias në Shqipëri?, deklaron Shehu.

Por kryedemokrati Basha duket se e sheh ndryshe, pasi është shprehur se abrogimi i ligjit të luftës është domozdoshmëri, pas takimit me ministrin grek Nikos Dendias.

?Sot pata kënaqësinë të takohem me ministrin e jashtëm të Greqisë NikosDendias. Gjatë bisedës, nënvizuam domosdoshmërinë që në frymën e mirëkuptimit dhe respektit reciprok, të zgjidhim çështjet e mbetura pezull dhe të intensifikojmë bashkëpunimin dypalësh në të gjitha fushat, përfshirë edhe lehtësitë për shqiptarët që jetojnë e punojnë në Greqi. Riktheksova qëndrimin e shprehur prej 10 vitesh, se zgjidhja për çështjen e detit duhet të vijë përmes Gjykatës Ndërkombëtare dhe i përsërita ministrit Dendias domosdoshmërinë për abrogimin e ligjit të luftës. Në emër të Partisë Demokratike dhe opozitës shqiptare e falenderova atë për mbështetjen e çmuar që Greqia po i jep vendit tonë në procesin historik të integrimit europian.?- shkruan Basha në Twitter.

Kujtojmë që dje, kreu i PDIU-së, Shpëtim Idrizi qëllon me shishe uji në drejtim të eskortës së ministrit të Jashtëm grek gjatë vizitës së tij në Tiranë.

Por si do të vijë Bashë në pushtet me njerëz që bëjnë veprime të tilla sikur të jetë në Palestinë!

Do ta mbajë mirë me Micotaqis që e ka të EPP-së apo me Shpëtim Idrizin dhe Çamet se me të dy s?e mban dot!/CNA.al

përfshirë edhe lehtësitë për shqiptarët që jetojnë e punojnë në Greqi. Riktheksova qëndrimin e shprehur prej 10 vitesh, se zgjidhja për çështjen e detit duhet të vijë përmes Gjykatës Ndërkombëtare dhe i përsërita ministrit Dendias domosdoshmërinë për abrogimin e ligjit të luftës.

? Lulzim Basha (@lulzimbasha_al) October 20, 2020