Murrizi zyrtarizon Lëvizjen Demokratike Shqiptare/ 25 prilli provë për shqiptarët

21 Tetor 2020, 14:28, Politikë CNA

Dy ditë më parë, deputeti Myslim Murrizi ka zyrtarizuar partinë më të re të themeluar nga vetë ai Lëvizja Demokratike Shqiptare.

Në një postim në rrjetet sociale, Murrizi tregon se Lëvizja Demokratike Shqiptare u regjistrua zyrtarisht më 19 tetor në gjykatën e rrethit gjyqësor Tiranë si parti politike.

Ai fton t?i bashkohen partisë së tij të gjithë shqiptarët që nuk i pranojnë ish-komunistat, ish-sigurimsat dhe spiunët e sigurimit.

Deputeti thekson se partia e tij do të hyjë në zgjedhje me lista të hapura, ndërsa deklaron se 25 prilli është një provë për shqiptarët.

?Me nismen e 4 deputeteve Myslim Murrizi, Alban Zeneli, Halit Valteri dhe Arlind Çaçani si dhe mbeshtetur nga 4602 firmetare nga çdo qark krijuam nje subjekt politik.

Ndoshta e para Parti Politike qe eshte krijuar ne 30 vite pluralizem,pa ish komuniste, pa ish sigurimsa dhe spiune sigurimi, pa na i mbledhur firmat pushteti dhe Parti Politike qe nuk eshte ? shitur? nga njeri kryetare tek kryetari bleres siç ka jo pak te tilla.

Ju ?kerkojme ?ndjese atyre qe kane programuar, dirigjuar apo strukturuar partite politike ne post-komunizen ne Shqioeri qe nuk i pyetem dhe nuk ju morem leje. Ju ? kerkojme? ndjese edhe ish funksionareve te larte te ppsh dhe bashkepunetoreve te Ramiz Alise qe Partia Levizja Demokratike Shqiptare nuk eshte pjelle e tyre.

Ftojme çdo Shqiptarë qe nuk merzitet nga ky fakt, ti bashkohet Levizjes Demokratike Shqiptare per te ndikuar me fuqine e votes ne 25 prill 2021 per nje politike ndryshe. Partia Levizja Demokratike Shqiptare do te konkuroj ne çdo qark vetem me lista 100% te hapura.

Nga vota e qytetareve do te mare mandat ai ose ajo kandidat qe mer nje vote me shume se koleget e tjere ne liste. Programi Yne eshte: Beteja me 5 hajdutet dhe mashtruesit hipokrit . Qe prej 30 vitesh tallen me Shqiptaret sikur luftojne njeri tjetrin por per 30 vjet ndajne tendera dhe pasurite publike se bashku. Kush vazhdon te besoj perseri tek kjo pesçe ? artistesh? dhe tek ?mrekullite? e programeve te tyre mashtruese, i urojme suksese.

Ne Shqiperi kurre nuk ka patur ndarje ne Pozite dhe Opozite. Por ndarja ka qene ne: pushtet dhe depozite. Pra tufat e hajduteve dhe mashtrueseve kane kembyer karriket me njeri tjetrin pas 8 vitesh. Do te ju lutem militanteve dhe sherbetoreve te 5 individeve qe kane kapur prej fyti Shqiperine prej 30 vitesh qe te mos me ndjekin me dhe te mos perpiqen te me bejne moral

25 prilli do te jete prova per te gjithe por me shume eshte prove per shqiptaret se sa durim kane per ti mbajtur ne kurriz akoma kete shoqeri prej 5 ? kaposh? qe ju duket vetja si padrino te 5 milion shqiptareve?, shkruan Murrizi në rrjetet sociale./ CNA.al