web counter
LEXO PA REKLAMA!

SHKARKO APP

App Store
Google Play

E fundit!

x

Çështja e kufijve/ Berisha kujton si ra dakord me dy qeveritë greke për të shkuar në Hagë

20 Tetor 2020, 21:28, Politikë CNA

Ish-kryeministri Sali Berisha ka treguar mbrëmjen e sotme se përse çështja e kufijve detarë nuk shkoi në Hagë, ndonëse në vitin 2010 pati rënë dakord me qeverinë greke.

Berisha tha se në vitin 2010 ra dakord me qeverinë e George Papandreut që të shkojnë në Gjykatën e Hagës, por marrëveshja u vazhdua me qeverinë e re të Greqisë me kryeministër Antonis Samaras.

Ish-kryeministri theksoi se edhe me qeverionë e dytë ishin dakord që kufijtë detarë të zgjidheshin në Hagë, por pretendon se kjo u la pasdore në vitin 2013, kur pushtetin në Shqipëri e mori kryeministri Edi Rama.

?Në vitin 2010 ne i propozuam qeverisë së Papandreut që të shkojmë në gjykatën e Hagës. Pas diskutimeve ne ramë dakord që të shkojmë në Gjykatën e Hagës. Pas tij erdhi qeveria e Samaras dhe ata ranë dakord. Dy qeveri greke ranë dakord, por nuk shkuam në Hagë. U mor dhe një kompani e huaj për të bërë ekspertizën, jo vetëm të marrëveshjes, por edhe sugjerimet për çështjen e Gjykatës. Dhe pastaj u ndërrua pushteti dhe unë këtë dakordësi  ia përcolla atyre që erdhën në pushtet.

Unë tani kam të drejtë të shtroj një pyetje për çdo shqiptar: Sot Ministri i Jashtëm i Greqisë dhe Ministri i Jashtëm i Shqipërisë ranë dakord të shkojnë në Hagë. Tani, çdo shqiptar t?i shtroj pyetjen vetes: Si ishte më mirë për Shqipërinë kur shkonte në Hagë me Greqinë 6 miljë apo sot që shkon në hagë me Greqinë 12 milje?, deklaroi në emisionin ?Opinion? Berisha./ CNA.al





Lajmet e fundit nga