web counter
LEXO PA REKLAMA!

SHKARKO APP

App Store
Google Play

Idrizi akuza të forta Ramës/ Është kthyer në Kalin e Trojës, përdori çështjen çame për të rritur temperaturat

20 Tetor 2020, 19:23, Politikë CNA

Kreu i PDIU, Shpëtim Idrizi është i ftuar mbrëmjen e sotme në A-Show ku ka hedhur akuza ndaj kryeministrit Rama se përdori çështjen çame kur nuk ishte kryeministër për interesat e tij, ndërsa sot është kthyer në një Kalë Trojë dhe e ka nxjerrë nga fjalori i diplomacisë, Çështjen Çame.

“Z.Rama që e kam quajtur dikur si Kalorës i Çështjes Çame, tani është kthyer në Kalin e Trojës, isha i bindur që nuk do të diskutonin për Çështjen Çame. Por na kishte vendosur përballë forcat e policies sot.

Sigurisht që edhe një shishe ujë nuk do i bënte keq ministrit grek, po të shikosh se çfarë bëhet në Athinë kur vjen Presidenti amerikan. Kurse për Z.Rama nuk kam asnjë lloj surprize. Është pikërisht ky njeri që për hir të pushtetit të tij e ka ndërruar të gjithë agjendën midis Shqipërisë dhe Greqisë.

Ju kujtohet që në vitin 2012 na prezantoi edhe një rezolute për Çështjen Çame ku thoshte se sapo të bëhej kryeministër çdo 6 muaj do ta kishte në agjendë.

Apo kur dilte te koshi i basketbollit te kongresi i PDU dhe betohej më shumë se ne . Dhe pastaj e ndryshoi të gjithë pozicionin e tij.

Pastaj bëri gjithçka që ta hiqte faktorin çam nga agjenda të mos ishte në parlament, e hoqi edhe nga fjalori i diplomacisë. Madje duke e pranuar edhe vetë që e përdori çështjen çame për të rritur temperaturat me Greqinë për interesa të momentit”./CNA.al

 





Lajmet e fundit nga