web counter
LEXO PA REKLAMA!

SHKARKO APP

App Store
Google Play

“Kam më shumë besim te Haga se teknikët shqiptarë”/ Pashaj për detin: Është problem Gjiri i Sarandës

20 Tetor 2020, 18:25, Politikë CNA

?Më shumë besim kam te teknikët e gjykatës së Hagës, që bazohen te e drejta ndërkombëtare, sesa te teknikët që do të përbëjnë grupin shqiptar?.

Kështu deklaroi koloneli i njohur Myslim Pashaj, që denoncoi marrëveshjen e ndarjes së kufirit detar Shqipëri-Greqi në vitin 2009, teksa po fliste për vizitën e ministrit të jashtëm grek Nikos Dendias dhe çështjen e kufijve detarë.

Pashaj tha se nuk e di se përse nuk u ezauruan të gjitha shkallët, pasi u negociua për më shumë se dy vite për çështjen e kufirit detar, por palët shkuan në Gjykatën Ndërkombëtare të Hagës.

?Domosdo më shumë besim kam te teknikët e gjykatës së Hagës, që bazohen te e drejta ndërkombëtare, sesa te teknikët që do të përbëjnë grupin shqiptar. Plus që një rol të rëndësishëm luan edhe avokati, por edhe lobimi. Duhet të mbrohet vendimi i gjykatës Kushtetuese që rrëzoi marrëveshjen me Greqinë në 2009?, u shpreh ai në Abc News.

Koloneli theksoi se nuk ka shumë besim te përfaqësimi në Gjykatën e Hagës, pasi tha se grupi i përfaqësuesve duhet të përbëhet nga njerëz shumë të aftë që e njohin çështjen.

?Puna është te njerëzit, teknikët dhe materiali që ata do të paraqesin. Një problem në vete për shembull është Gjiri i Sarandës. Grupi që do të përfaqësojë Shqipërinë duhet të përbëhet nga njerëz shumë të aftë që e njohin çështjen, por duke parë atë që ka ndodhur nga viti 2009 dhe këtej në këto 11 vite nuk kam besim.

Fokusi duhet të jetë te teknikët dhe avokati që do të na përfaqësojë në Hagë, ku tashmë do të vendoset përfundimisht për detin?, përfundoi Pashaj./ CNA.al





Lajmet e fundit nga