web counter
LEXO PA REKLAMA!

SHKARKO APP

App Store
Google Play

Takimi me Dendias/ Reagon Meta: Duhet dialog i sinqertë për çështjen e detit

20 Tetor 2020, 14:47, Politikë CNA

Presidenti Ilir Meta ka reaguar pas takimit me Ministrin e Punëve të Jashtme të Greqisë Nikos Dendias.

Meta tregon se me Dendias diskutoi për marrëdhëniet mes dy shteteve dhe për çështjen e kufijve detarë.

Kreu i Shtetit inkurajon dialog të sinqertë dhe respekt reciprok, duke synuar një zgjidhje të përhershme dhe të qëndrueshme.

Ai thekson se marrëveshja për detin duhet të jetë në përputhje me Konventën e OKB mbi Ligjin e Detit, me legjislacionin e të dy vendeve dhe Vendimin e Gjykatës Kushtetuese të Shqipërisë.

?Vlerësova marrëdhëniet Shqipëri-Greqi si ndër prioritetet kryesore të politikës sonë të jashtme dhe theksova se duhet të vazhdojnë të zhvillohen në frymën e fqinjësisë së mirë, të lidhura nga interesat strategjike, partneriteti i ngushtë në NATO, perspektiva e përbashkët europiane dhe interesat ekonomike të të dy vendeve.

Pakica greke në Shqipëri është një urë e fortë për miqësinë tonë të gjatë dhe së bashku me shqiptarët që jetojnë në Greqi përbëjnë themelet e marrëdhënieve tona të shëndosha dhe afatgjata.

Në lidhje me çështjen e delimitimit të hapësirës detare ndërmjet dy vendeve, inkurajoj të trajtohet përmes një dialogu të sinqertë dhe respekti reciprok, duke synuar një zgjidhje të përhershme dhe të qëndrueshme.

Marrëveshja për këtë çështje të rëndësishme duhet të jetë në përputhje me Konventën e Kombeve të Bashkuara mbi Ligjin e Detit, me legjislacionin e të dy vendeve dhe Vendimin e Gjykatës Kushtetuese të Republikës së Shqipërisë?, shkruan Meta në rrjetet sociale./ CNA.al





Lajmet e fundit nga