web counter
LEXO PA REKLAMA!

SHKARKO APP

App Store
Google Play

E fundit!

x

Klodiana Lala gazetarja më e mirë investigative e vitit 2019/ Kikia: Kemi nevojë për lajme të tilla

21 Tetor 2020, 16:45, Aktualitet CNA

Klodiana Lala është vlerësuar nga Bashkimi Europian si gazetarja më e mirë investigative e vitit 2019.

Për këtë lajm ka reaguar kolegu i saj Mentor Kikia, i cili e uron publikisht dhe thotë se vlerëson shumë për karaketrin, trimërinë, vendosshmërinë, vullnetin dhe rezistencën para çdo përpjekjeje për ta thyer e për ta fyer.

Ai shprehet se shpesh gazetarët nuk i gëzohen suksesit të ndonjë kolegu, por thekson se kemi nevojë të dëgjojmë të tilla lajme për njëri-tjetrin.

“Urime Klodiana?.

Gazetarja Klodiana Lala ka marrë një vlerësim si gazetarja më e mirë investigative e vitit 2019-të. Unë nuk kam qenë shumë herë dakord me mënyrën se si Klodiana është prezantuar në studiot ku ka qenë e ftuar. Nuk kam qenë dakord me një lloj qëndrimi të saj dhe të shumë gazetarëve, që më shumë duken si prokurorë se sa si gazetarë.

Megjithatë, unë e vlerësoj Klodianën për vendosmërinë e saj, për karakterin dhe trimërinë(po po, edhe trimërinë, sepse që të bësh gjëra të guximshme duhet të jesh edhe trim). E vlerësoj për vullnetin dhe rezistencën para çdo përpjekjeje për ta thyer e për ta fyer. Unë kam ushtruar gazetarinë e kronikës së zezë dhe atë investigative dhe e di sa e vështirë është. Aq më shumë në këtë kohë kur nëse i shkel në ?kallo? dikujt, të kujton emrin e pronarit të medias ku punon. Ne gazetarët s?para e urojmë njëri-tjetrin, madje i gëzohemi ndonjë dështimi.

Por unë dua ta uroj publikisht. Urime Klod! Kemi nevojë të dëgjojmë të tilla lajme për njëri-tjetrin?, shkruan Kikia në rrjetet sociale./ CNA.al





Lajmet e fundit nga