E fundit!

07:38 Ekonomi

Eurostat: 35% e shqiptarëve nuk përballojnë qiratë, faturat, pushimet, apo blerjen e rrobave të reja

Shqipëria është vendi me nivelin më të lartë të privimit t...

Etilda Gjonaj mbron noteren falsifikatore/ Prokuroria fillon hetimin

20 Tetor 2020, 10:59, Aktualitet CNA

Një skandal falsfifikimi, i kryer në zyrën e noteres Violeta Sulkaj, në vitin 2015, është denoncuar nga CNA.al prej më shumë se dy muajsh.

Investigimi i CNA.al ka zbuluar se në prani të noteres Violeta Sulkaj në 28 dhe në 29 maj 2015 janë përpiluar dhe firmosur dy kontrata, në emër të Natali Blushit, ndërsa kjo e fundit ndodhej në Londër, asokohe vetëm 20 vjeç.(Lexo këtu)

Bëhet fjalë për një skandal me blerjen e një pasurie me vlerë tregu 500 milionë lekë në qendër të Korçës, në emër të vajzës së ish-politikanit, Ben Blushi, shkruar në kontratën e shitjes vetëm 30 mijë euro.

CNA.al e ka referuar këtë skandal pranë dikasterit të Etilda Gjonajt, sikundër edhe ka bërë thirrje që ministrja të reagojë publikisht, por çështja është anashkaluar.

Etilda Gjonaj nuk ka reaguar dhe nuk ka zbatuar ligjin për notërinë. Pasi në rastin ën fjalë, minimalisht duhej të ishte ngritur një komision dhe duhej të ishte kryer një hetim administrative ndaj noteres Violeta Sulkaj, e cila ka kryer një vepër penale vite më parë. Ky komision duhej të kishte vendosur për fatin e licensës së noteres Violeta Sulkaj, por kjo nuk ka ndodhur.

Por, ndërkohë që Etilda Gjonaj mbron noteren e kapur në falsifikim dhe nuk zbaton ligjin për noterinë, duket se prokuroria nuk do të rrijë duarkryq.

Mësohet se prokuroria e Tiranës ka filluar hetimet per rastin e falsifikimit, pas kallëzimit të bërë nga njëra prej palëve në lidhje me rastin e shitjes për vetëm 30 mijë euro të një prone që vlen të paktën 500 milionë lekë.

Burime zyrtare nga Prokuroria e Tiranës i thanë CNA.al se kanë filluar hetimet e plota për rastin në fjalë dhe pritet që të bëhen të gjitha verifikimet dhe procedurat për denoncimin që përfshin falsifikimin e firmës në një akt noterial./ CNA.al

Skandali-/ Ben Blushi bëri vajzën pronare duke i falsifikuar firmën (fakte dhe dokumente)

Skandali/ Etlida Gjonaj, bën avokaten e noteres së kapur në falsifikim

Skandali/ Etilda Gjonaj fut ?nën sqetull? noteren falsifikatore