web counter
LEXO PA REKLAMA!

SHKARKO APP

App Store
Google Play

E fundit!

x

Roli i krimit të organizuar në blerjen e votave/ BE vlerëson me çmimin e parë Klodiana Lalën

21 Tetor 2020, 16:34, Aktualitet CNA

Gazetarja investiguese, Klodiana Lala, është vlerësuar me çmimin e parë në konkursin e BE-së për shkrimin: ?Përgjimet zbulojnë rolin e krimit të organizuar në blerjen e votave?.

Lala e fitoi këtë çmim për një investigim të kujdesshëm, verifikim të fakteve dhe vendosmëri për të hedhur dritë mbi një fenomen të pranishëm në shoqërinë shqiptare, por që rrallë është verifikuar tërësisht.

Juria deklaroi se puna e guximshme e gazetares dhe verifikimi i burimeve e bëjnë artikullin të besueshëm dhe me ndikim në shoqëri.

?Çmimin e parë juria ja ka dhënë Klodiana Lalës për ?Përgjimet zbulojnë rolin e krimit të organizuar në blerjen e votave?. Ky çmim i jepet gazetares për një investigim të kujdesshëm, verifikim të fakteve dhe vendosmëri për të hedhur dritë mbi një fenomen të pranishëm në shoqërinë shqiptare, por që rrallë është verifikuar tërësisht?, u shpreh kryetarja e jurisë Albana Kasapi.

Ndërkohë, gazetarja Klodiana Lala thekson se ky çmim e motivon edhe më shumë.

?Faleminderit BE! Ky çmim më motivon edhe më shumë! Faleminderit secilit prej jush që më keni shprehur konsideratat. Mirënjohje!?, deklaron Lala.

Nga ana tjetër, çmimin e dytë e mori gazetari Merxhan Daci për shkrimin ?Shteti shqiptar ?i varfër? për qytetarët, i pasur për ?krerët? e tij. 700 euro një natë në Romë për ministren e Drejtësisë? dhe çmimin e tretë e fitoi gazetari Andi Malasi për kronikën ?Ndërtues që vrasin?./ CNA.al





Lajmet e fundit nga