E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Dëmet nga tërmeti/ Fondacioni në SHBA ndihmon 49 familje shqiptare, 1.6 milionë dollarë kontribute

21 Tetor 2020, 13:59, Sociale CNA

Pas tërmetit tragjik të 26 nëntorit të vitit 2019, një sërë organizatash filluan të mbledhin fondacione për të ndihmuar shqiptarët që ishin prekur nga fatkeqësia natyrore.

Ndër këta organizata që u sensibilizuan me bashkëatdhetarët e tyre është edhe fonacioni Albanian Roots.

Organizata bamirëse jofitimprurëse me bazë në New York të SHBA-ve, ka mbledhur 1.6 milionë dollarë për pasojat dhe dëmet nga tërmeti tragjik.

Fondacioni i ka mbledhur këto para për rreth 72 orë dhe drejtuesit kanë kontrolluar që paratë e shqiptarëve të mos vidhen dhe kanë qenë transparent duke treguar se ku e kanë investuar çdo qindarkë.

?Rrënjët Shqiptare? e filluan punën vetëm pak javë pas tërmetit dhe përveçse rindërtimit të banesës, ata i kanë pajisur familjet me të gjitha mobiljet.

Deri më tani ky fondacion ka ndërtuar 5 shtëpi me 170 mijë dollarë, ndërsa nesër do të firmosin për të bërë pjesën tjetër të investimit.

Organizata rinore Rrënjët Shqiptare ka dorëzuar çelësat e katër shtëpive të reja në Likesh të Shijakut, dhe së fundmi i dorëzoi çelësat e shtëpisë së re, 100 m2, edhe familjes me 5 antarë, Qehaja, në fshatin Tapizë të Krujës.

Anëtari i fondacionit Albanian Roots (Rrënjët Shqiptare), Kristian Mundija ka deklaruar se po punohet me këmbëngulje për t?i shkuar deri në fund realizimit të projektit dhe mbajtjen e premtimit, që iu dha shqiptarëve kontribues.

Mundija tha për mediat se vëmendja është përqëndruar në projektin madhor të ndërtimit të 44 shtëpive, që jo vetëm do të strehojnë të pastrehët e dëmtuar nga Tërmeti i nëntorit 2019, por do t?i ndihmojnë edhe zonës për zhvillimin e saj urbanistik. Fondacioni do të marrë truallin dhe do të ndërtojë 44 banesa të tjera për banorët e dëmtuar që prej rreth një viti po jetojnë në çadra.

Në këtë fondacion kanë kontribuar mbi 20 mijë donatorë nga e gjithë bota nëpërmjet rrjeteve sociale, duke i ardhur në ndihmë shqiptarëve në ditët më të vështira për ta.

Ndërkohë, kujtojmë se Albanian Roots është një grup profesionistësh dhe studentësh të rinj shqiptarë që janë të përkushtuar dhe të apasionuar në promovimin e kulturës, traditave dhe vlerave të popullit shqiptar në botë.

Organizata u themelua në 2009 dhe ka organizuar shumë aktivitete kulturore për të forcuar komunitetin dhe për të festuar në kulturën shqiptare. / CNA.al