web counter
LEXO PA REKLAMA!

SHKARKO APP

App Store
Google Play

E fundit!

x

Gratë naftëtare në Ballsh prej katër ditësh në grevë, por ende asnjë zgjidhje nga qeveria

18 Tetor 2020, 14:59, Sociale CNA

Një prej grave naftetare, ka përfunduar sot në spital për shkak të problemeve shëndetësore. Pasi mori ndihmën ne spitalin e Ballshit, ajo u kthye ne ambientet e grevës së urisë, ku po qëndrojnë prej 4 ditësh në kërkim të 26 pagave të prapambetura.

Grevistet janë vizituar nga ish-deputetet e Partisë Demokratike Oriola Pampuri dhe Dhurata Çupi, të cilat përsëritën edhe një herë mbështetjen e Partisë Demokratike për naftëtarët.

Dy deputetet e Partisë Demokratike bën përgjegjës kryeministrin e vendit Edi Rama, i cili sipas tyre, është personi që duhet të japë llogari për situatën e rëndë në Ballsh.

?Ne erdhëm t?ju takojmë direkt. Ju kemi parë, jetojmë me  shqetësimet tuaja. Janë zonjat në të gjithë Shqipërinë që përjetojnë shqetësimin tuaj. E dinë çdo të thotë të jetosh me djersën e ballit, e dinë çdo të thotë me ekonominë familjare. Të gjithë e kuptojnë se juve nuk ua mban pagën një biznes, por juve pagën ua mban qeveria dhe Edi Rama, sepse nuk guxon asnjë biznes të mbajë pagën e punonjësve, nëse nuk ka mbështetjen e qeverisë?, tha Dhurata Çupi.

?Unë e them me shpirt, ne jemi me ju. Ne zërin tuaj do ta ngremë për të gjitha problemet tuaja. Sot mundësia jonë është fjala, më vonë kur ne të jemi në pushtet, do të keni mbështetje?, tha Pampuri.

Gratë greviste në Ballsh sërish apeluan për ndihmë ndaj qeverisë shqiptare duke kërkuar zgjidhjen e problemeve të tyre. Naftëtarët prej ditësh vijojnë të palëkundur kauzën për marrjen e 26 pagave prapambetura në uzinën e përpunimit të naftës në Ballsh, por deri më sot, nuk ka ende asnjë zgjidhje nga shteti shqiptar.

Gratë naftëtare u vizituan mbrëmë nga afër edhe nga kryetarja e Lëvizjes Socialiste për Integrim, Monika Kryemadhi. Ajo hodhi akuza ndaj qeverisë shqiptare dhe kryeministrit Edi Rama për gjendjen e vështirë, në të cilën ndodhen sot punëtorët e kësaj uzine./euronews





Lajmet e fundit nga