web counter
LEXO PA REKLAMA!

SHKARKO APP

E fundit!

x

Milani në telashe, dëmtohet në stërvitje lojtari më në formë i ekipit

20 Tetor 2020, 13:46, Sport CNA

Milani po gëzon një formë shumë të mirë këtë sezon dhe është në krye të Serie A pas katër javësh. Kuqezinjtë do duhet ta lënë menjanë për pak ditë kampionatin për të luajtur në Europa League, ku të enjten do të kenë përballë Selltikun. Përgatitjet për këtë ndeshje kanë nisur, por sot kuqezinjtë janë përballur me një lajm të keq.

Gjatë stërvitjes së sotme mësohet se ylli i ekipit, Hakan Çalhanoglu është dëmtuar dhe është dashur të lërë ambientet stërvitore me ndihmën e patericave. Mesfushori turk ka dëmtuar kyçin e këmbës dhe do i nënshtrohet menjëherë vizitave mjekësore për të parë shkallën e dëmtimit.

Shpresohet të mos jetë dëmtim shumë serioz, por duke u nisur nga mënyra sesi Çalhanoglu është larguar nga stërvitja, është thuajse e sigurt se mesfushori nuk do të jetë pjesë e skuadrës për ndeshjen e parë në grupet e Europa League ndaj Selltik të enjten.





Lajmet e fundit nga