web counter
LEXO PA REKLAMA!

SHKARKO APP

App Store
Google Play

Shifra mbresëlënëse, nuk do ta besoni sa ndeshje është aktivizuar Hysaj si titullar me Napolin në Serinë A

19 Tetor 2020, 15:51, Sport CNA

Prej thuajse tre vitesh, emri i Elseid Hysajt rreshtohet gjithmonë mes atrye që janë pranë largimit nga Napoli. Por në fund, mbrojtësi mbetet përsëri pjesë e napolitanëve e për më tepër, kthehet në fushën e lojës si titullar. Edhe këtë vit po ndodh e njëjta gjë.

Lojtari mund të largohej në verë por nuk u transferua në klub tjetër dhe është në fund të kontratës me napolitanët. Por nën drejtimin e Gatuzos, ai vazhdon të mbetet një pjesë e rëndësishme e skuadrës dhe trajtohet si I tillë, edhe pse nuk luan më në vendin e tij të zakonshëm në të djathtë të mbrojtjes, por në krahun tjetër të fushës.

Vetë Napoli e ka kuptuar vlerën e futbollistit dhe kjo është arsyeja se pse gjatë ditës së djeshme, ka festuar pikërisht mbrojtësin shqiptar për arritjen e tij. Në ndeshjen kundër Atalantës, Hysaj regjistroi ndeshjen e 150 si titullar me fanellën e Napolit në Serinë A, një shifër mbresëlënëse nga futbollisti i cili në teori duhej të kishte më pak hapësira në këtë klub dhe cilësohej si i padëshirua.

Nëse në fund të këtij sezoni vjen edhe rinovimi që po diskutohet prej kohësh, atëherë nuk është çudi që kjo shifër të jetë vetëm fillimi i ndjekjes së rekordeve nga Hysaj, duke pasur parasysh se me dyfishin e kësaj shifre ndeshjes si titullar, do ta shihte veten mes 5 lojtarëve më të aktivizuar në historinë e Napolit. Aspak keq për një ?të padëshiruar??





Lajmet e fundit nga