E fundit!

19:44 Aktualitet

Protesta e 46 kundër qeverisë/ Qytetarët marshojnë drejt Kryeministrisë

Ka nisur protesta e 46 kundër qeverisë. Protestuesit janë...

Rroca: Në Shqipëri nuk paguheshim kur luanim, jo tani me bojkotin

18 Tetor 2020, 08:09, Sport CNA

Eduart Rroca po kalon një moment shumë ët mirë në Turqi, me Istanbulsporin, ku ditën e djeshme ishte protagonist në fitoren 3-0 të skuadrës së tij, duke shënuar dy gola dhe duke dhënë një asist. Për ?Zona Gol?, mesfushori është shprehur se është përshtatur mirë dhe ëndërron një fetsë nga Kombëtarja.

?Jam ambientuar shumë mirë dhe më vjen mirë që sot arrita të shënoj edhe gola. Luanim përballë një kundërshtari shumë të fortë, që ashtu si ne pretendon ngjitjen n? elitë, ndaj fitorja na gëzoi dyfish. Jam i lumtur që jo vetëm morëm maksimumin, por shënova dy gola, që do të më shërbejnë edhe më shumë në aspektin moral.

Jemi sërish bashkë dhe e vërteta është që Abazajn e kam marrë unë me vete në të tre skuadrat, pasi kam shkuar para tij edhe te Luftëtari, edhe te Kukësi, por edhe këtu. Pikërisht për këtë Kristali më ka premtuar që kur të ndërrojë skuadër herë tjetër, do më marrë me vete.

Ka shumë lojtarë në Superiore, që mund të luajnë fare mirë këtu. Nuk dua të them emra, por disa futbollistë të Kukësit do të përshtateshin shumë mirë këtu.

Të them të drejtën e pres një ftesë nga Kombëtarja dhe e kam ëndërr, por jam i përqendruar të bëj maksimumin me klubin dhe të rritem sa më shumë. Kombëtarja është aty dhe ka nevojë për lojtarë të mirë, ndaj nëse un? jam në formë, do të vijë edhe thirrja.

Negociatat me drejtuesit e Istanbulspor unë i kam nisur shumë më herët se para se të vija këtu dhe gjatë kësaj kohe kam folur vazhdimisht edhe me trajnerin. Pata ardhur edhe në Turqi për të folur nga afër me trajnerin, por edhe këtu na kanë pritur shumë mirë si mua, edhe Abazajn.

Numri 61? Presidenti i skuadrës është nga Trabzoni dhe prefiksi i këtij qyteti është 61. Ishte presidenti që shprehu dëshirën të mbaja këtë numër dhe unë ia plotësova.

Bojkoti i Superiores? Jam i informuar, pasi flas vazhdimisht me shokët që luajnë atje, ndaj shpresoj të zgjidhen sa më shpejt këto probleme dhe gjithçka t?i rikthehet normalitetit. Ne të gjithë e dimë se ka pasur raste kur nuk jemi paguar edhe pse kemi luajtur, jo më të rrish pa luajtur që bëhet më e vështirë?, u shpreh Rroca.