web counter
LEXO PA REKLAMA!

SHKARKO APP

App Store
Google Play

E fundit!

x

Marrëdhëniet racore temë e disa filmave të rinj

18 Tetor 2020, 20:14, Kosova & Bota CNA

Filmi i ri Antebellum nga Gerard Bush dhe Christopher Renz është ndër filmat e fundit afrikano-amerikanë të zhanrit horror që trajtojnë marrëdhëniet racore në Shtetet e Bashkuara. Materiali në vazhdim sjell mendimet e regjisorëve dhe kritikëve mbi filmin.

Në filmin Antebellum, Veronica Henley, luajtur nga Janelle Monae, është autore dhe akademike e suksesshme që shkon në mbarë vendin duke folur për të drejtat e grave dhe pabarazinë racore në Shtetet e Bashkuara. Një nënë e dashur në një familje të klasit të lartë, ajo ndjehet e sigurtë në botën e saj derisa ? krejt papritur gjërat ndryshojnë.

Veronica rrëmbehet dhe dërgohet në një plantacion në Luiziana, i rikrijuar si kopje e një plantancioni nga vitet 1800. Atje, së bashku me një numër të madh afrikano-amerikanësh të tjerë, që janë rrëmbyer, ajo përjeton mizori. Asaj i është ndryshuar emri dhe i ndalohet të flasë.

Regjisori i filmit Gerard Bush thotë për Zërin e Amerikës se ideja për këtë histori tmerri i erdhi në formën e një makthi të vërtetë.

?U ndjeva sikur kjo grua po thërriste për ndihmë në të gjitha dimensionet. Se kjo duhej treguar dhe duhej të ekspozoja të vërtetën. Kjo është e vetmja mënyrë që mund ta përshkruaj atë.?

Kritiku i filmit Tim Gordon e pranon se ?Antebellum? nxjerr në pah fuqinë e skllavërisë si temë rreth eksperiencës afrikano-amerikane në filmin e zhanrit horror.

?Më çoi në mendje filmin ?Twelve Years a Slave? që për mua është niveli më i lartë i këtij zhanri. Kineasti bëri një punë të mahnitshme.?

Ai thotë se filmat afrikano-amerikanë me horror duhet të fokusohen më shumë tek përvoja afrikano-amerikane në një mjedis modern.

?Sepse nuk duhet të shkosh larg për të gjetur tmerrin në kulturë. Thjesht, duhet të jesh shumë i vëmendshëm dhe në gjendje ta artikulosh atë për audiencën. Qoftë një fragment në filmin ?Antebellum? kur ato shkojnë në një restorant dhe përpiqen që t?i ulin ato pranë kuzhinës afër pjatave të palara.?

Regjisori i filmit Christopher Renz thotë për Zërin e Amerikës se ndërsa filmi përqendrohet tek skllavëria, skenat moderne ofrojnë një kthesë bindëse.

Ai thotë se filmi i suksesshëm horror nga Jordan Peel ?Get Out? ? ku njerëzit me ngjyrë mbahen robër për eksperimente mjekësore nga supremacistët e bardhë në Amerikën e sotme ? sherbeu si shembull për filmin ?Antebellum?.

?Nuk jam i sigurtë që ky film do të kishte patur kaq sukses nëse filmi ?Get Out? nuk do të ishte bërë dhe nuk do të ishte aq i suksesshëm?.

Tim Gordon thotë se vlerësimi nga Hollivudi i zhanrit horror ka ndihmuar zgjerimin e eksperiencës afrikano-amerikane në seriale të suksesshme si fituesi i çmimit Emmy ?Watchmen? një dramë imagjinare me superheronj në një univers alternativ ku një police grua lufton kundër supremacistëve të bardhë. I tillë është edhe seriali ?Lovecraft Country? në rrjetin HBO që ndërthur zhanre me superheronjë, horror dhe fantazi, në kohën e skllavërisë që njihet si epoka Jim Crow. Tim Gordon është kritik filmash.

?Krijimtaria e Jordan Peele në serialin ?Lovecraft Country? për mua është epitomë e asaj që ky zhanër mund të jetë. Në të dy rastet ata përdorin gjera të zakonshme racore në Amerikë dhe gjejnë elementët e tmerrshëm që ka ajo.?

Kritiku James Berardinelli thotë se tematika e skllavërisë mbetet thelbësore në zhanrin e filmave afrikano-amerikanë.

?Skllavëria dhe pasojat e saj janë një nga përvojat më traumatike për njerëzit me ngjyrë në këtë vend në 200 vitet e fundit.?

Ai thotë se sikurse Holokausti, skllavëria ofron një burim të pashtershëm të historive për t?u treguar në film. Regjisori i filmit ?Antebellum? Christopher Renz pajtohet.

?Mendoj se kjo tematikë duhet të jetë vazhdimisht në kujtesën e të gjithëve sepse është mënyra e vetme që të mos harrohet kurrë dhe që të sigurohemi që të mos ndodh kurr më. Mendoj se ka hapësirë për një mori historishë të ndryshme dhe ne jemi gati të tregojmë histori të ndryshme.?/voa





Lajmet e fundit nga