Progres-raporti i KE, Mimi Kodheli: Pse është me aq rëndësi për Shqipërinë

7 Tetor 2020, 19:47, Politikë CNA

Deputetja e Partisë Socialiste, Mimi Kodheli, ka analizuar në ?Ilva Now? deklaratën e komisionerit të Zgjerim të Bashkimit Europian, Oliver Varhelyi. Ajo tha se plani i investimeve, që përmendi komisioneri, është një lajm pozitiv për Shqipërinë dhe për të gjithë vendet e Ballkanit Perëndimor. Sipas saj, ky përkushtim i qartë i Bashkimit Europian do të shoqërohet me krijimin e vendeve të reja të punës.

?Ai kishte ardhur me lajme të mira. Foli shumë për një paketë të planit të zgjerimit, që është shumë i rëndësishëm për Shqipërinë, që ka të bëjë me krijimin e vendeve të reja të punës, një shkëmbin mes vendeve të Ballkanit Perëndimor?, tha ajo.

Ajo tha se Shqipëria duhet të zhvillojë zgjedhje të drejta, jo thjesht si një test për integrimin, por si një sfidë në radhë të parë me vetveten.

?Zgjedhjet janë një test i madh, i rëndësishëm, por për ne më shumë se sa një test për integrimin është një test me vetveten. Ky është testi që duhen të kemi ne për këtë proces?, shtoi ajo.

Deputetja e PS-së tha se progres-raporti i Komisionit Europian vuri në dukje se Shqipëria ka bërë avancime në kushtet e diktuara.

?Nuk mund të pretendoj të bëhem garante e Kushtetuese, sepse jam ligjvënëse dhe besoj se Parlamenti në këto katër vite e kanë bërë punë shumë mirë, mund ta bënte më mirë po të mos kishte shkopinj nën rrota. Reforma në drejtësi është ditur se do të jetë e gjatë, ka pasur edhe pengesa. Shqipëria ka bërë progres, por sot marrin një raport pozitiv me shpresën që konferenca ndërqeveritare të jetë më pranë nga çe mendojmë sot?, shtoi Kodheli.

Duke vlerësuar ndryshimet e sistemit zgjedhor, znj, Kodheli shtoi se në thelb të gjitha sistemet kanë probleme, por e gjitha çështja varet tek menaxhimin e tyre.

?Nuk ka sisteme të gabuara zgjedhore, përveç atyre totalitare. Kam parë të gjitha sistemet, por kanë të gjitha problemet e tyre, por problemi më i madh është se si menaxhohen. Sigurisht krijon garë. Sa më shumë ka garë brenda nesh, aq më shumë vota çojmë në koshin e PS-së?, theksoi Kodheli./euronews