web counter
LEXO PA REKLAMA!

SHKARKO APP

App Store
Google Play

“Do e kallëzoj në SPAK”/ Veliaj: Basha ka marrë makinë luksoze dhe vila nga “oligarkët”

6 Tetor 2020, 21:16, Politikë CNA

Kryetari i Bashkisë së Tiranës Erion Veliaj, deklaroi mbrëmjen e sotme se do të kallëzojë në SPAK kryetarin e Partisë Demokratike Lulzim Basha.

Veliaj deklaroi sërish se kreu i opozitës ka marrë një makinë luksoze nga kompania që operonte në Unazën e Astirit për të hequr dorë nga çështja.

Gjithashtu socialisti ngriti akuzat se Basha i shtoi një kat pa leje shtëpisë së tij dhe gënjeu kur tha se tërmeti i ka dëmtuar banesën ndaj kishte shkuar të jetonte në vilën luksoze të Agron Papulit.

?Basha për tre vite bllokoi Astirin. Por kur ai ka marrë nga kompania atje një makinë, kjo ka 64 transaksione. Por kur t?i merr një dhuratë nga kompania dhe e lë protestën sikur të mos ketë ndodhur asgjë, atëherë do të thotë që tallet. Banorët e Astirit i njoh shumë mirë, ka 80.000 banorë.

Fushata duhet të ketë fakte, mbi faktet duhet të ndërtohet e vërteta. Kur ti ke ardhur në këtë televizion punëdhënësi të ka pyetur çfarë ke bërë më përpara. Kjo do të ndodhë më 25 prill. Populli shqiptar me të drejtë do të thotë çfarë ke bërë më përpara. Qëllon që të dy kanë punuar në Tiranë dhe po shkojnë për të marrë një punë më të madhe. Kjo është letra që unë mezi po pres të shkoj në SPAK. Kur Edi Rama shkonte të bënte shtëpinë e të tjerëve, Basha shkonte të fotografonte shtëpitë e oligarkëve.

Përse duhet një njeri që kandidon për kryeministër dhe thotë që më është prishur pallati. Kam folur me administratoren dhe më ka thënë që pallati nuk ka rrezikshmëri dhe është i banueshëm. Këto do i dërgoj të gjitha në SPAK. Shton kate pa leje, refuzon të shkosh në prokurori. E para punës kam fituar 15 nga 15 gjyqe. Ky pallat është i padëmtuar. Në momentin që shqiptarëve iu dëmtua shtëpia, kryetari i opozitës fotografonte vilat e veta?, u shpreh ai në emisionin ?Open?./ CNA.al





Lajmet e fundit nga