web counter
LEXO PA REKLAMA!

SHKARKO APP

App Store
Google Play

E fundit!

x

“Ndryshimet në Kodin Zgjedhor kriminale”/ Paralajmëron Meta: Nëse nuk ka reflektim, do shkatërroj…

6 Tetor 2020, 19:42, Politikë CNA

Presidenti Ilir Meta, deklaroi se miratimi i ndryshimeve në Kodin Zgjedhor është një mur kriminal në rrugëtimin e Shqipërisë drejt BE.

Meta paralajmëroi se nëse nuk do të ketë reflektim do të shpartallojë përpjekjet e mazhorancës për vendosjen e një junte.

?Presidenti ka qenë dhe do mbetet gjithmonë në mbrojtje të Kushtetutës dhe popullit shqiptar. Nëse nuk do të ketë reflketim, është i vendosur në shpartallimin e kësaj përpjekje për vendosjen e një junte. Presidenti ka disa vjet që paralajmëron për plotësimin e kushteve për integrimit europian.

Ka qenë Bundestagu, institucioni më i rëndësishëm në rrugën e integrimit dhe sigurisht ky akt kaq i shëmtuar që ndodhi dje, duke shkelur një marrëveshje, e cila në vetvete nuk ishte një gjë e madhe pasi nuk duhet të vihen në diskutim. Ajo mori jehonë ndërkombëtare, do të thotë se është shumë e qartë që akti i djeshëm synon të hedhë në erë pluralizimin politik në Shqipëri dhe vendosja e një muri kriminal në rrugëtimin e Shqipërisë drejt BE?, u shpreh ai në emisionin ?Tempora? në Rtv Ora.

Kreu i Shtetit pretendon se me miratimin e ndryshimeve, është shkelur marrëveshja e firmosur nga palët politike më 5 qershor, me bekimin e ndërkombëtarëve.

?Marrëveshja është shkelur sepse nuk ka ndodhur që rregullat e lojës që të vendosen nga vetëm një palë, sepse mazhoranca nuk është e përjetshme. Kodi Zgjedhor është vendosur gjithmonë me konsensus më parë, se nuk po flas me këtë farë Parlamenti. Kjo nuk është më demokraci, por një ftesë për rikthim në diktaturë. Kjo është një përpjekje e qëllimshme për ta nxjerrë vendin nga shinat Evropiane?, deklaroi Meta./ CNA.al





Lajmet e fundit nga